«Sergeev sý qoımasyna jıylǵan sý deńgeıi 9 sm-ge deıin kóterildi. Ol sý qoımanyń erneýinen asyp, tógilip jatyr. Desek te bıyl aıtarlyqtaı sý tasqyny bolmaıdy, jyldaǵydaı Petropavldaǵy Zarechnyı kentindegi saıajaı ýchaskeleri sý astynda qalmaıdy», dep sendirdi «Qazgıdromet» RMK SQO fılıalynyń mamandary.
Fılıal dırektory Qymbat Merǵalımovanyń aıtýynsha, boljam boıynsha asyp tógilý nebári 20 sm ǵana bolmaq. Sý qoımasy Aqmola oblysynan kelgen sýmen tolyǵyp jatyr, al Esil ózeniniń saǵalarynda sý deńgeıiniń túskeni baıqalady. Tańǵy saǵat 8.00-degi aqparat boıynsha, Esil ózeni Kreshenko eldi mekeniniń mańynda 12 sm-ge, Sergeevka qalasynyń mańynda 11 sm-ge kóterildi. Al Sergeev sý qoımasynda deńgeıi bir táýlikte 16 sm-ge ózgergen.
SQO-da eń úlken sý tasqyny 2017 jyly boldy, osy ýaqytta Sergeev sý qoımasynan tasyǵan sýdyń bıiktigi 3 metrden asyp ketken. 2018 jyly 2 metrge jýyqtasa, byltyr 1,5 metrge jetken.
