«Ulttyq ekonomıka mınıstrligi «Atameken» palatasymen birge Shaǵyn jáne orta kásipkerlikti damytý tujyrymdamasyn sapaly iske asyrýdy qamtamasyz etsin. Kásipkerlik qyzmetti «taza paraqtan» retteýdiń jańa tásilderin iske asyrý úshin salalyq memlekettik organdar men óńirlerdiń ákimdikteri bir apta merzimde birinshi basshylardyń jaýapty orynbasarlaryn belgilesin», dedi Á. Smaıylov.
Bul baǵyttaǵy jumys Premer-Mınıstrdiń orynbasary – Qarjy mınıstri Erulan Jamaýbaevqa júkteldi.
«Memleket basshysy bıznes sýbektilerin memlekettik baqylaý men qadaǵalaý júıesinde «adamı faktorǵa» jol bermeı, ony tolyq avtomattandyrýdy bıylǵy jyldyń sońyna deıin aıaqtaýdy tapsyrdy. Atalǵan júıeni tekserý nátıjesinde 93 baqylaý salasynyń 24-i ǵana, 18 qadaǵalaý salasynyń 2-i ǵana avtomattandyrylǵany anyqtaldy. Bul baǵyttaǵy jumysty kúsheıtý kerek. Ulttyq ekonomıka mınıstrligi múddeli memlekettik organdarmen birge 2 apta merzimde táýekelderdi basqarý júıesiniń negizinde bıznes sýbektilerin memlekettik baqylaý men qadaǵalaý júıesin avtomattandyrý jónindegi Jol kartasyn ázirlep, kelisilgen jobany Premer-Mınıstr keńsesine engizsin. Sıfrlyq damý mınıstrligi avtomattandyrý jumystaryn baqylaýǵa alsyn», dedi Úkimet basshysy.
