Energyprom sarapshylarynyń esebine sáıkes, 2022 jylǵy qańtar–naýryzda balyq jáne ony qaıta óńdeý ónimderiniń óndirisi 2021 jylǵy uqsas kezeńge qaraǵanda qysqardy.
«Jas, salqyndatylǵan nemese muzdatylǵan balyq óndirisi bir jylda 17,4%-ǵa, 10,1 myń tonnaǵa deıin tómendedi. Daıyndalǵan jáne qaıta óńdelgen balyqty, sondaı-aq ýyldyryqty jáne onyń almastyrǵyshtaryn shyǵarý 2 ese, ıaǵnı 2,4 myń tonnaǵa deıin azaıdy», dep málimdedi zertteýshiler.
2022 jylǵy naýryzdyń qorytyndysy boıynsha jas nemese tońazytylǵan balyqtyń baǵasy 2021 jylǵy naýryzben salystyrǵanda 11,2%-ǵa ósti, muzdatylǵan balyq 9,1%-ǵa qymbattady, al óńdelgen jáne konservilengen balyq bir jylda birden 15,5%-ǵa ósti.
Sarapshylardyń aıtýynsha, bir aı ishinde balyqtyń baǵasy 2022 jyldyń aqpanymen salystyrǵanda 2,9%-ǵa, muzdatylǵany - 2,1%-ǵa, óńdelgen jáne konservilengen balyqtarǵa birden 4%-ǵa ósti.
2021 jyldyń naýryzymen salystyrǵanda sýyq ystalǵan skýmbrııa baǵasy 11,9%-ǵa, kg úshin 2,6 myń teńgege deıin ósti, tuzdalǵan maıshabaq birden 19%-ǵa, kg úshin 1,2 myń teńgege deıin qymbattady, al shprottar 13,3%-ǵa, 240 gr úshin 674 teńgege deıin ósti.
Sarapshylardyń esepteýinshe, bir qazaqstandyqqa balyq pen teńiz ónimderin tutynýdyń ortasha kólemi 2021 jyly 14,8 kg qurady, bul 2020 jylmen salystyrǵanda 2,1%-ǵa az.
