Jeti jáne alty balaǵa álemniń jaryǵyn syılaýshylar shahardyń eń ásem demalý ornyna arnaıy shaqyrylyp, saltanatty jaǵdaıda marapattaldy. Qala ákimi Baýyrjan Ábdishev 27 anaǵa “Altyn alqany”, 34 anaǵa “Kúmis alqany” tabys etti. Bir ýaq kúndelikti qareketten qoldary bosap, ónerpazdardyń án men kúıden shashýyna kóńilderi ósken kópbalaly analar bir jasap qaldy. Qazir qala boıynsha 90 ananyń keýdesinde osyndaı alqalar jarqyraıdy. Keıingi úsh-tórt jylda shaharda shattyǵy shalqyǵan kópbalaly shańyraqtar sany arta túsken.
Aıqyn NESIPBAI, QARAǴANDY.
QARAJATTYŃ IGERILÝI QARALDY. О́tken jumada oblys ákiminiń birinshi orynbasary Madııar Aldońǵarovtyń tóraǵalyq etýimen daǵdarysqa qarsy sharalardy júzege asyrý úshin bólingen bıýdjet qarajatyn tolyq, tıimdi jáne maqsatty paıdalaný jónindegi oblystyq komıssııanyń kezekti otyrysy boldy. Otyrysta “Jol kartasy” baǵdarlamasynyń ınvestısııalyq jobalar baǵyty boıynsha josparlanǵan qarajattarǵa ótkizilgen memlekettik satyp alýdyń qorytyndylary, áleýmettik jumys oryndary men jas kadrlardy daıyndaýǵa, qaıta daıarlaýǵa bólingen qarajattyń ıgerilýi qaraldy. Aımaqta 5291 jańa jumys ornyn ashýǵa múmkindik týǵyzatyn 128 jobany júzege asyrý baǵytyndaǵy jumystar bastalyp ta ketken. О́tken jumada oblys ákiminiń birinshi orynbasary Madııar Aldońǵarovtyń tóraǵalyq etýimen daǵdarysqa qarsy sharalardy júzege asyrý úshin bólingen bıýdjet qarajatyn tolyq, tıimdi jáne maqsatty paıdalaný jónindegi oblystyq komıssııanyń kezekti otyrysy boldy. Otyrysta “Jol kartasy” baǵdarlamasynyń ınvestısııalyq jobalar baǵyty boıynsha josparlanǵan qarajattarǵa ótkizilgen memlekettik satyp alýdyń qorytyndylary, áleýmettik jumys oryndary men jas kadrlardy daıyndaýǵa, qaıta daıarlaýǵa bólingen qarajattyń ıgerilýi qaraldy. Aımaqta 5291 jańa jumys ornyn ashýǵa múmkindik týǵyzatyn 128 jobany júzege asyrý baǵytyndaǵy jumystar bastalyp ta ketken.
Erkin ÁBIL, QYZYLORDA.
BATYR TOIYNA DAIYNDYQ PYSYQTALDY. Baýyrjan Momyshulynyń týǵanyna bıyl 100 jyl tolady. Mereıtoı IýNESKO sheńberinde atap ótiletin bolǵandyqtan, ony qazaqstandyqtardyń ǵana emes, sonymen birge, kózi ashyq, kókiregi oıaý kúlli álem jurtshylyǵynyń qýanyshy deýge de bolǵandaı. Degenmen, “Tas túsken jerine aýyr” deıdi halyq. Mereıtoı aldyndaǵy salmaq, ásirese, qaharman dúnıege kelgen óńir basshylyǵyna túseri anyq. Oblys ákimi Qanat Bozymbaev ótken aptada Jýaly aýdanynda bolyp, ondaǵy batyr toıy qarsańyndaǵy daıyndyq barysymen tanysty. Aýdan ákimi Baǵlan Qarasholaqovtyń aıtýynsha, búginde batyr toıyna daıyndyq jumystary jaqsy júrgizilip jatyr.
Kósemáli SÁTTIBAIULY, Jambyl oblysy.
QOS KITAPTYŃ TUSAÝKESERI. Oblystyq muraǵat jáne qujattamalar basqarmasy Qyzyljar óńiriniń tarıhynan sanalýan syr shertetin qos kitaptyń tusaýkeserin ótkizdi. Birinshi týyndy “Soltústik Qazaqstan oblysy Uly Otan soǵysy jyldarynda” dep atalady. Onda maıdan men tylda eren erliktiń úlgilerin kórsetken soltústikqazaqstandyqtar týraly tyń derekter usynylǵan. Keńes Odaǵynyń Batyrlary men “Dańk” ordeniniń tolyq kavalerleri jaıly da keń maǵlumattar berilgen. Ekinshi jınaq oblystyń, aýdannyń birinshi basshylary jaıly ómirbaıandyq anyqtama túrinde qurastyrylǵan. Onda ár jyldary basshylyq qyzmet atqaryp, oblys ekonomıkasyna zor úles qosqan M.Ammosov, J.Qızatov, E.Áýelbekov, J.Táshenov, M.Saǵdıev, V.Demıdenko, N.Bolatbaev, F.Morgýn, taǵy basqa aıtýly tulǵalar, qoǵam qaıratkerleri jóninde baıandalady.
О́mir ESQALI, Soltústik Qazaqstan oblysy.
ARDAGER ESIMI UMYTYLMAIDY. Uly Otan soǵysyna qatynasqandar arasynda munaıshylar da bar. Solardyń biri – Ospan Shárimuly. Ol munaı-gaz ónerkásibi salasyndaǵy jumysyn alǵashynda aǵash ustasy bolyp bastaǵan eken. Soǵystan “Qyzyl Juldyz” ordenimen oralǵan munaı ónerkásibin órkendetý úshin Eskene kásipshiliginde túrli qyzmetter atqarǵan. Kúrdeli jóndeý sehynda, benzın zaýytynda tynymsyz eńbektenip, jastarǵa óziniń tájirıbesin úıretýden jalyqpaǵan. О́tken aptada ardager-munaıshynyń esimi Dossor kentindegi úlken kósheniń birine berildi. Osyǵan oraı ótken saltanatta Maqat aýdanynyń ákimi Syrym Rysqalıev, uly Ibaǵalı Shárimov, jazýshy Amankeldi Jylqyshıev jáne Ospan qarttyń tárbıesin kórgen munaıshylar estelikter aıtty.
Joldasbek ShО́PEǴUL, Atyraý oblysy.
RESPÝBLIKALYQ KО́ShPELI SEMINAR. Salamatty ómir saltyn qalyptastyrý arqyly adam densaýlyǵyn nyǵaıtý máselesine erekshe nazar aýdarylýy tıis. Osy maqsatty kózdegen eki kúndik respýblıkalyq kóshpeli semınar Taldyqorǵanda ótip, ony Densaýlyq saqtaý mınıstrligi Ulttyq salamatty ómir saltyn qalyptastyrý ortalyǵynyń mamandary uıymdastyrdy. Semınarda ana men bala densaýlyǵyn qorǵaý, durys tamaqtaný, juqpaly aýrýlardyń aldyn alý máseleleri jaıly jurtshylyqpen keńinen pikir almasylyp, onyń naqty joldary ortaǵa salyndy. Qazirgi kezde óńirdegi aýdandar men qalalarda atalǵan ortalyqtar jumys istese, “Dos” jastar densaýlyǵyn qorǵaý ortalyǵynyń jumysyna jaqsy baǵa berilip, onyń tájirıbesi keńinen nasıhattaldy. Sońǵy kúni tyńdaýshylarǵa sertıfıkattar tapsyrylyp, belsendiler marapattaldy.
Kúmisjan BAIJAN, Almaty oblysy.
“POIYZDAN SAQTAN” AILYǴY. Sibir men Ortalyq Azııany jalǵastyryp jatqan Semeıdi toǵyz joldyń toraby dese de bolady. Burynǵydan áldeqaıda azaıyp ketti degenniń ózinde bul qalanyń ústinen kúnine áldeneshe júk jáne jolaýshy poıyzdary ótip jatady. Soǵan oraı, oqys oqıǵalar da jıi kezigedi. Aıtalyq, jyl ishinde temir jol boıynda bes adam mert bolǵan. Sonyń bári eki jaqtan da saqtyq sharalarynyń tómendiginen be deımiz. Osyny eskergendikten, qazirde munda “Poıyzdan saqtan” degen atpen aılyq ótkizilýde. Aılyq barysynda tártip saqshylary bolat jol boıynda, oqý oryndarynda qala turǵyndarymen, onyń ishinde, ásirese, jol tártibin saqtaı bermeıtin jastarmen túsinikteme jumystaryn júrgizýde.
Dáýlet SEISENULY, Semeı.
