Naýryz aıynyń sońynda jergilikti avtosalonnyń ákimshiligi tekserý kezinde avtokólikterdiń biriniń joǵalǵanyn anyqtaǵan. Shyǵyn somasy 28 mln teńgeni qurady. Oqıǵa týraly jumysshylar dereý polısııaǵa habarlaǵan.
Habarlama SDTTBT-ne QR QK-niń 200-baby boıynsha tirkeldi.
Polıseıler kólikti aıdap ketken tulǵany anyqtaý maqsatynda birqatar jedel is-sharalar ótkizdi. Krımınaldyq polısııa qyzmetkerleri avtosalon jumysshylary men kýáger bolýy múmkin azamattardan surastyrý jumystaryn júrgizdi.
Jedel basqarý ortalyǵynyń ınspektorlary kóshelerdiń boıynda ornatylǵan beınebaqylaý kameralaryn tekserdi. Nátıjesinde, tártip saqshylary eki saǵat ishinde Báıdibek bı kóshesinde urlanǵan avtokólikti anyqtady. JBO qyzmetkerleri patrýldik polıseılerge kóliktiń turǵan jeri týraly dereý habarlady. Kólik quralyn zańsyz ıelengen azamat ustaldy.
Avtokólik salonǵa qaıtaryldy. Qazirgi tańda is aıyptaý aktisimen sotqa joldandy.
Aıta keteıik, Qylmystyq kodekske sáıkes atalǵan quqyq buzýshylyq 1000 AEK-ke deıingi mólsherde aıyppul salýǵa ne sol mólsherde túzeý jumystaryna ne 600 saǵatqa deıingi merzimge qoǵamdyq jumystarǵa tartýǵa ne 2 jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa ákeledi.
Aıana Toǵanbek
