Basshylardyń basym bóligi buqaranyń máselesin bilmeıdi

Degenmen eki myń jyldan astam tarıhy bar kóne sha­harda sheshimin kútken máse­le de jeterlik. Máselen, orta­lyqtan shalǵaı jatqan «Shól­dala», «Qumshaǵal» tur­ǵyn úı alaptaryn aýyzsý­men qamtý áli kúnge deıin ózek­ti. Sol sııaqty shetki saıa­­jaılarǵa sý qubyry tar­tyl­ma­ǵan soń, asfalt salý da múmkin bolmaı otyr. So­ny­men qatar qazir qala ishin­degi baǵdarshamdardyń jaǵ­daıy múshkil. Jel tursa boldy, jalp etip óship qalady. Odan keıin qala kóshelerinde uzyn-sonar keptelis bastalyp, tipti jolaýshylardyń ómirine qaýip tónetin jaǵ­daılar jıi kezdesedi. Sondaı-aq turǵyndardyń deni qala kósheleriniń toz­ǵa­nyn, salynǵan balalar oıyn alańqaılarynyń talapqa saı emes ekenin jáne ózge de áleýmettik máselelerdi jıi kóteredi. Bıyl da 716 kóp­qabatty turǵyn úı­ge jóndeý jumystaryn júr­gizý qajet eken. Árıne, bul aıtyl­ǵandar qaladaǵy máselelerdiń bir bóligi ǵana.

Taraz qalasyndaǵy kúr­de­li máseleniń biri – turǵyn úı máselesi. Jyl saıyn memleket kómeginiń nátıjesin­de júzdegen adam baspanaly bolsa da, bul másele ózekti kúıinde qalyp tur. Búgingi tańda qala boıynsha 20 myńnan astam adam turǵyn úı kezeginde, 60 myńnan astam turǵyn jer teliminiń kezeginde tur. Byltyr 1 460 adamǵa jer telimi berilgen. Biraq bıyl bul jumys baıaý júrgizilýde. Jambyl oblysynyń ákimi Nurjan Nurjigitov júıesiz jumystardy synǵa alǵan bolatyn. Oblys basshysy Taraz qalasynyń damýy jóninde jıyn ótkizgende, jergilikti sheneýnikter oǵan daıyn bolmaı shyqty. Birqatar basshylar qurǵaq sóz ben qaǵaz betine túsken derekterdi oqý­men ǵana shekteldi. Taraz qa­lasynda qazir 4 432 jumyssyz tirkelgen. Al qala ákiminiń orynbasary Baqdáýlet Sa­rıev­tiń aıtýynsha, bıyl 1 024 adam jumyspen qamtylǵan. Bir qaraǵanda qalada ju­mys­syzdyq máselesimen kúres qyzý júrip jatqan sııaqty. Al shyndyǵynda solaı ma? Biraq oǵan N.Nurjigitov jyl basynan beri osynsha adam jumyspen qamtylsa, aınalasy úsh-tórt jyldyń ishinde jumyssyzdyq máselesi múldem bolmaıtynyn, bulaı qaǵaz júzinde ǵana jumys isteýdi qoıý kerek ekenin aıt­ty. Qaǵazbastylyq pen qur­ǵaq sandardy «sóıletý­diń» qarapaıym halyqqa ke­regi joq. Naqty, nátıjeli ju­mys bolmaǵan soń, álgindeı ákimderdiń syrǵytpa jaýaby jumysty júıege túsirmeıtini anyq.

Qazir Taraz qalasyndaǵy aýmaqtyq ınspektorlardyń da jumysy kóńil kónshitpeıdi. Ár aýmaqqa bekitilgen ınspektorlar sol aýmaqtyń basshysy bolǵandyqtan, kúrdeli máselelerdi nazarǵa alyp, sheshilýine atsalysý kerek. Biraq búginde bulaı bolmaı tur. Jıynda №1 aýmaqtyń ınspektory Saǵyndyq Úsip­bekov, №4 aýmaqtyń ınspektory Nurjan Jumaǵulov, №8 aýmaqtyń ınspektory Bo­lat Baýdınov jáne №10 aýmaq­tyń ınspektory Nur­lan Qanatov atqarǵan jumysta­­ryn baıandaǵanymen, olardy ob­­lys ákimi synǵa aldy. Sebebi ıns­pektorlar ózderi jumys istep otyrǵan aýmaqta qandaı másele bar ekenin bilmeıdi. Osy ýaqytqa deıin másele de kótermegen. Bir sózben aıtqanda, eldiń ishinde júrip, máselelerin tyńdap, ony tıis­ti oryndarǵa jetkizbegen. Tek jumysty bólim basshylaryna silteýmen keledi. Al aýmaqtarda qordalanǵan má­sele shashetekten. Tipti kóp­tegen aýmaqtyń qoqys máse­lesine deıin sheshilmegen.

Alda Taraz qalasyn ja­ńasha damytý jospary tur. Bul úshin kóne shahardyń bas­shylyǵynan bastap, aýmaq­tyq ınspektorlaryna deıin sanǵa emes, sapaǵa jumys is­teýi mańyzdy. Halyqtyń ta­lap-tilegi de osy. Kóp basshy­lardyń áleýmetpen ty­ǵyz baılanysta bola almaı otyr­ǵanyn aıtqan N.Nurjigitov endi syltaýdy kóp aıtyp, ha­lyq­qa jaqyn bolmaǵan basshylarmen, aýmaqtyq ınspektorlarmen birge jumys isteı almaıtynyn aıtty. Al «Jumys jedel, jańasha júretin bol­syn» degen talabyna jergi­likti sheneýnikterdiń qansha­lyq­ty shydap bere alatyny belgisiz...

Jambyl oblysy