Jol júrý qujattaryn (bıletterin) rásimder aldynda jolaýshylardan Qazaqstan Respýblıkasy Ulttyq qaýipsizdik komıteti Shekara qyzmetiniń saıtynda ornalastyrylǵan karantındik shekteýler kezeńinde eldiń Memlekettik shekarasyn kesip ótý tártibiniń talaptaryn muqııat oqyp shyǵý jáne saqtaý kerek.
Qazaqstandyqtar men shetel azamattarynyń elge temir jol kóligimen kirýi úshin burynǵydaı teris nátıjesi bar COVID-19-ǵa PTR testileýden ótkeni týraly anyqtamanyń bolýy mindetti. Bul berilgen kúnnen bastap 72 saǵattan aspaýy tıis. Nemese koronavırýs indetine qarsy ekpe alǵany jáne revaksınalaýdyń tolyq kýrsynan ótkeni týraly pasport usyný qajet (sońǵy mólsherin alǵannan keıin 6 aıdan aspaıtyn merzim). Eske sala keteıik, bul Qazaqstan Respýblıkasy vedomstvoaralyq komıssııasynyń sheshimi. Eger jolaýshyda PTR testiniń nátıjeleri nemese COVID-19 vaksınasııasynyń pasporty bolmasa, onda ol vagonǵa otyrǵyýǵa jiberilmeıdi.
«Jolaýshylar tasymaly» AQ óz jolaýshylaryna adamdar kóp jınalatyn jerlerde betperde kııý tártibin saqtaýǵa keńes beredi. Jolaýshylar poıyzdarynyń qozǵalys kestesi boıynsha anyqtamalyq aqparatty «1433» nómiri boıynsha jáne Bilet.railways.kz. saıtynan alýǵa bolady.
