Mektep otqa orandy

Belgili bolǵandaı, úshinshi qabatta ornalasqan kitap saqtaý kabınetinde 15 sharshy metr aýmaqta jıhaz ben kitaptar otqa oranǵan. О́rt sóndirý bólimi mamandary kelgenge deıin 479 adam, onyń ishinde 414 bala syrtqa shyǵarylǵan. Jedel járdem brıgadasy oqıǵa ornynan 5 adamdy aýrýhanaǵa alyp ketti. Keıin úsheýi emdeý mekemesine jatqyzyldy.

Tilsiz jaýdy aýyzdyqtaýǵa tótenshe jaǵdaılar departamen­tiniń 35 qyzmetkeri, 9 tehnıka, al apattyq medısına or­taly­ǵynan 4 maman men 1 tehnıka jumyl­dyrylǵan. Jaǵymsyz jaǵdaıdyń sebebi anyqtalýda.

Qala ákimi Asaıyn Baıhanov aýrýhanaǵa baryp, zardap shek­kenderdiń jaǵdaıyn bilip qaıtty. Mekteptiń jaǵdaıymen de tanys­ty. «Áriptestermen birlesip mek­tepti qysqa merzimde (2-3 apta) qalpyna keltirý boıynsha is-sharalar josparyn jasadyq. Oqý ornynyń birinshi jáne ekinshi qabattary zardap shekken joq, sondyqtan mekteptegi oqý prosesi jalǵasady. Úshinshi qabat tazalaý jáne jóndeý jumystaryn qajet etedi. Mamandar oryn alǵan jaǵ­daıǵa tolyqtaı tergeý júrgizedi. Qazir balalar ózderin jaqsy sezinedi, aýyr zaqym alǵan joq. Balalarǵa barlyq qajetti kómek tolyq kólemde kórsetiledi», dedi shahar basshysy.

Qyrsyq bir aınaldyrsa, shyr aınaldyrady demekshi, sol kúni qaladaǵy eki birdeı iri saıajaı ot­qa orandy. Biri shahar­dyń shy­ǵys bóliginde, biri Temir­jol­shylar aýylynyń janynda orna­­las­qan.

– 15 sáýir kúni saǵat 11:52-de «Nadejda» jáne «Vostochnyı» saıajaı seriktestikterinde órt shyqqany týraly habarla­ma kelip tústi. Qyzyl jalyn sha­mamen 30 ga aýmaqtaǵy 10 saıa­jaı ýchaskesin jalmady. О́rt­ti sóndirýge tótenshe jaǵ­daı­lar departamentiniń 61 qyzmet­keri men 5 birlik tehnıka, «Qazaqstan temir joly» UK» AQ órt sóndirý poıyzy jumyldy­ryldy. Qosymsha sý jetkizý úshin jergilikti atqarýshy organ­dardyń kúshteri tartyldy, – delingen oblystyq tótenshe jaǵ­daılar departamentiniń resmı málimdemesinde.

PAVLODAR