Ordabasy APB-niń JPQ ÝPI Baqytjan Tursynbaev aýmaqty aralap, tekserý jumystaryn júrgizý barysynda Ordabasy aýdany turǵynynyń úıiniń aýlasyndaǵy baqsha ishinde esirtki ósiretindigin anyqtaǵan.
Atalǵan jaıt QR QK-niń 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha SDTBT-ǵa tirkeldi.
Ordabasy APB-nyń jedel-tergeý toby habar alysymen atalǵan mekenjaıǵa shuǵyl jetip, turǵyn úıge tintý jumystaryn júrgizdi. Tekserý barysynda kúdiktiniń aýlasynan túbi qopsytylyp, sýǵarylyp, kútip-baptalǵan bes túp jasyl tústi, ózine tán aıryqsha hosh ıisi bar, esirtkige uqsas ósimdik zaty anyqtaldy.
Aıǵaqty zat tárkilenip, tıisti saraptamaǵa jiberildi. Saraptama qorytyndysyna sáıkes, tárkilengen ósimdik sora bolyp shyqty. Qazirgi tańda atalǵan jaıtqa baılanysty sotqa deıingi tergeý amaldary júrgizilip jatyr.
Aıana Toǵanbek
