Beıbit mıtıng ákimdiktiń ruqsatymen uıymdastyrylǵan. Jıynda zııaly qaýym ókilderi, qoǵam qaıratkerleri, jýrnalıster sóz sóıledi. Olar birneshe ret jabylǵan Torǵaı oblysyn qaıta qurý jónindegi usynystaryn ortaǵa tastady. Burynǵy oblystyń qazirgi jaǵdaıyn synǵa aldy. Sondaı-aq kúrdeli máselelerdiń sheshý jolyn usyndy.
Is-shara negizinde arnaıy qarar ázirlenetin boldy. Oǵan mıtıngte aıtylǵan oramdy oılar men tyń usynystar jáne kópshiliktiń pikiri engiziledi.
Júıeli uıymdastyrylǵan beıbit mıtıng belgilengen ýaqytta aıaqtaldy. Jıylǵan halyqtyń bir bóligi elordadaǵy Amangeldi Imanov atyndaǵy kóshede senbilik jumystaryn júrgizdi.
Aıta ketsek, Torǵaı oblysy 1970 jyldyń qarasha aıynda Qazaq KSR quramyndaǵy Qostanaı men Aqmola oblysynyń keı aýdandaryn biriktirý arqyly qurylǵan. Oblys 1988 jyly taratylyp, 1990 jyly qaıta qurylǵan edi. Al arada 7 jyl ótken soń Torǵaı oblysy qaıtadan taratylǵan.
