Parlamentte qylmystyq kodeks jobasy maquldandy

Búgin, 9 sáýir kúni  Parlament Májilisinde kezekti jalpy otyrys boldy. Ony Májilistiń jańa Tóraǵasy Qabıbolla Jaqypov ashyp, júrgizip otyrdy. Bul týraly Egemen.kz tilshisi habarlady. Kún tártibi boıynsha segiz másele qaraldy. Sonyń eń birinshisi Prezıdent Ákimshiliginiń Basshysy bolyp taǵaıyndalǵan N.Nyǵmatýlınniń depýtattyq ókilettigin merziminen buryn toqtatýǵa arnaldy. Depýtattar biraýyzdan onyń depýtattyǵyn toqtatý týraly qaýlyny qoldady. Odan keıin Májilis qorjynyna túsken birneshe zań jobasy boıynsha qorytyndy ázirleý máseleleri qarastyryldy. Barlyq usynylǵan zań jobalary boıynsha qorytyndy ázirleýge kelisim berildi. Sonyń ishinde «Ruqsattar jáne habarlamalar týraly», keıbir zańnamalyq aktilerge ekstremızm jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» jáne taǵy basqa zań jobalary bar. Sonymen birge, Qazaqstan Respýblıkasynyń Qylmystyq kodeksiniń jobasy men keıbir zańnamalyq aktilerge qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý jónindegi zań jobalary ekinshi oqylymda maquldandy. Kún tártibindegi máseleler qaralyp bolǵan soń depýtattardyń ortalyq atqarý organdaryna baǵyttalǵan depýtattyq saýaldary jarııalandy. Jaqsybaı Samrat. Derekkóz: Egemen.kz. Foto: Total.kz.