Atap aıtqanda, orta bilimnen keıingi bilim týraly dıplomnyń baǵa qoıylatyn eki tildegi qosymshasyna ózgerister engizý josparlanyp otyr.
Bilim jáne ǵylym mınıstrliginde túsindirilgendeı, bıylǵy oqý jylynan bastap TjKB (Tehnıkalyq jáne kásiptik bilim berý) uıymdary sıfrlyq bes baldyq baǵalaý júıesinen balldyq-reıtıngtik áriptik baǵalaý júıesine kóshti. Oqýshylardyń oqý jetistikteri halyqaralyq tájirıbede qabyldanǵan áriptik júıege sáıkes keletin 100 baldyq júıe boıynsha baǵalanady (oń baǵalar, kemý reti boıynsha «A»-dan «D-ǵa deıin», «qanaǵattanarlyqsyz» - «F»).
«Bıyl mektep bitirý TjKB (Tehnıkalyq jáne kásiptik bilim berý) uıymdarynda modýldik baǵdarlamalar jáne oqytýdyń kredıttik tehnologııasy boıynsha júrgiziletinin eskere otyryp, tıisti ózgerister engizý qajet», delingen qujatta.
Buıryq jobasy 4 mamyrǵa deıin qoǵamdyq talqylaý úshin «Ashyq NQA» saıtynda jarııalanǵan.
