Jıyn barysynda Álıhan Bókeıhannyń ómiri men shyǵarmashylyǵy jóninde tyń derekter aıtyldy.
Á.Bókeıhan XIX ǵasyrdyń sońy men XX ǵasyrdyń basyndaǵy qazaq zııalylarynyń, qoǵam jáne memleket qaıratkerleri qataryndaǵy erekshe tulǵa, Alash qozǵalysynyń jetekshisi, pýblısıst, ǵalym bolǵany barshaǵa málim. Degenmen Əlıhan Nurmuhameduly bir ǵylym salasymen shektelip qana qoıǵan joq. Onyń eńbekterinen qazaq halqynyń ekonomıkasyna, tarıhy men mədenıetine qatysty túrli derekterdi kezdestirýge bolady.
«Alash qaıratkerleri bizdiń búgingi zamanaýı memleketimizdiń irgetasyn qalap, shekarasyn shegelep ketti. Olar tek qana partııalyq uıymdastyrý, saıası qaıratkerlik istermen ǵana shektelmeı, qazaq tarıhy men ádebıetine, ǵylym men bilim salasyna, mádenıet pen rýhanııatqa óshpes iz qaldyrdy», dedi «Alash» ǵylymı-zertteý ınstıtýtynyń dırektory Sultanhan Júsip.
