Bul týraly Bilim jáne ǵylym mınıstri Ashat Aımaǵambetov: «Prezıdent qoldaýynyń nátıjesinde mektep túlekteriniń bıýdjet esebinen oqýǵa múmkindigi artyp keledi. Kolledjderde bilim alý úshin bıyl bilim berý granttarynyń sany da rekordtyq kórsetkishke, ıaǵnı 31 myń grantqa deıin ulǵaıyp otyr. Granttardyń basym bóligi tehnıkalyq mamandyqtar boıynsha beriledi. Sondaı-aq biz emtıhandardy alyp tastadyq jáne azamattardyń áleýmettik osal sanattary úshin arnaıy kvotalardy engizdik. Granttar barlyq kolledjge berilmeıdi. Stýdent grantty jeńip alyp, belgili bir kolledjdi tańdaıdy. Osylaısha, qarjylandyrý stýdent tańdaǵan kolledjge jiberiledi. Munda «aqsha stýdenttiń sońynan eredi» qaǵıdasy jumys isteıdi. Bul kadrlardy daıarlaý boıynsha kolledjderdiń básekege qabiletin arttyrady. Eń bastysy – eńbek naryǵynyń suranysyna saı bolý», dedi.
Tıisti vedomstvonyń habarlaýynsha, granttardy bólý kezinde halyqtyń áleýmettik osal toptarynan shyqqan balalarǵa arnalǵan kvotalar sany ulǵaıtylady. Iаǵnı kópbalaly nemese tolyq emes otbasylardyń balalary, sondaı-aq erekshe qajettilikteri bar balalardy tárbıelep otyrǵan otbasydan shyqqan úmitkerlerdiń grant alý múmkindigi áldeqaıda joǵary bolady. Buǵan qosa bıyl memlekettik bilim berý tapsyrysyn bólý kezinde ınjenerlik, óńdeý, qurylys salalaryna, sondaı-aq pedagogıkalyq jáne jaratylystaný ǵylymdaryna erekshe kóńil bólinedi.
2022 jyly Memleket basshysynyń tapsyrmasy boıynsha tehnıkalyq kadrlardy daıarlaý jáne tehnıkalyq baǵyttar boıynsha memlekettik tapsyrys úlesi 60%-ǵa deıin artty. Stýdentter arasynda suranysqa ıe jáne qajetti mamandyqtarǵa jańa granttar bólinedi. Osy arqyly ýnıversıtetter men kolledjder stýdentteriniń kóp bóligi memleket esebinen tegin oqýǵa múmkindik alady.
