Ekinshi bir másele: bizdiń zańnamada «dıskrımınasııa» uǵymy áli joq. Konstıtýsııada da bul óte shekteýli ereksheligi bar anyqtama bolyp tur. Negizgi zańda: «Tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine nemese kez kelgen basqa jaǵdaılarǵa baılanysty eshkimdi kemsitýge bolmaıdy» dep naqty jazylǵan. Al bizde jalaqy, olardy jergilikti jerlerge usyný jaǵynan da, únemi fızıkalyq, jynystyq, psıhologııalyq zorlyq-zombylyqqa ushyraıtyndyǵy turǵysynan da áıelderge teń dárejede qaraý úrdisi, ókinishke qaraı, áli qalyptasqan joq.
Qoǵam damýynyń qazirgi zamanǵy úrdisterine súıene otyryp, Prezıdent jynystyq belgisi boıynsha kemsitýshilikti joıý jónindegi sharalardy ázirleýge basa nazar aýdarǵany qýantady.
Osyǵan qaraı adamdardyń óz pikirin ashyq aıtýyna múmkindik berilgeni jón bolar edi dep sanaımyn. О́ıtkeni biz jaı ǵana ózimiz aıta bermeı, shynymen de elge tıisti jaǵdaı jasaıtyn «halyq únine qulaq asatyn memleket» bolýymyz kerek. Mysal retinde Almaty qalasy Jetisý aýdanynyń ákimi Gúlnar Kókebaevamen bolǵan kezdesý týraly aıtqym keledi. Maǵan kópshiliktiń aldynda mıkrofon alyp, pikirin bildirgisi keletinderdiń bári bılik ókiline qandaı máselemen júgingeni mańyzdy emes ekendigi unady. Ákim olardyń máselelerin shyn máninde de estidi dep oılaımyn. Qalaı bolǵanda da, olar «Siz ýáde berdińiz, biraq oryndamadyńyz» dep aıtqan kezde, aýdan basshysy bul máselege taǵy da nazar aýdarýǵa ýáde berdi.
Eger mundaı kezdesýler turaqty túrde ótetin bolsa, onda memleket te shyn máninde «estıtin» bolady. Sondaı-aq basshylar kókeıkesti máselelerdi birden sheshýge daǵdylana túsedi. Sol arqyly biz damýdyń jańa deńgeıine kóterile alamyz. Árıne, jýrnalıster de óz oılaryn ashyq aıtsa deımiz. О́ıtkeni buqaralyq aqparat quraldarynyń ókilderi belgili bir derek boıynsha baǵa bere alady.
Mıgranttardyń, azamattyǵy joq adamdardyń jáne bosqyndardyń quqyqtary týraly tarmaqqa keletin bolsaq, bul ózgerister eń aldymen, Ýkraınadaǵy oqıǵalarǵa baılanysty qolǵa alynyp otyr. El bolǵan soń bizge de qatysy bar. Elimizde qujatsyz ómir súrip jatqan adamdardyń sany áli de kóp. Jarlyqta osy máselege aıryqsha den qoıǵan.
Jalpy, Jarlyqqa zer sala otyryp, oń ózgerister kóp ekenin, Memleket basshysynyń jańa qadamdarǵa táýekel etýge daıyn ekenin baıqadym.
Zúlfııa BAISAQOVA,
Prezıdent janyndaǵy Adam quqyqtary jónindegi komıssııa múshesi
