Damýǵa serpin beretin qujat
Qazaqstan Prezıdenti Qasym-Jomart Toqaevtyń halyqqa Joldaýyn úlken qyzyǵýshylyqpen oqyp shyqtym. Bul qujat qazaq halqynyń odan ári damýyna serpin beretinine senimdimin.
Qazaqstannyń ósip-órkendeýine kepildik beretin aýqymdy reformalar maýsymy bastaldy. Azamattardyń qoǵamdyq ómirge qatysýyna yqpal etý maqsatynda azamattyq qoǵamnyń belsendi qatysýy qajet.
Mundaı reforma rýhy halyqtarymyz arasyndaǵy baýyrlastyq dostyq qarym-qatynasty nyǵaıta túsetinine senimdimin.
Paolo GIRELLI,
Italııa-Qazaqstan saýda palatasynyń
prezıdenti
Eýrazııanyń eń mańyzdy kólik toraby
«Jańa Qazaqstannyń» jasaryp, alǵa jyljý múmkindigi týdy. Prezıdent Qasym-Jomart Toqaev saıası ortada tepe-teńdikti ornatýǵa úlken qadam jasady.
Qazaqstan – Eýrazııanyń eń mańyzdy kólik toraby. Eldegi áýe qatynasy damyp, eýropalyq naryqqa enip keledi. Halyqaralyq bıznes Qazaqstandaǵy mańyzdy saıası oqıǵalardy muqııat qadaǵalap otyr. Olar demokratııa men jańǵyrtýǵa qadam basyp, ınvestısııalyq ahýaldyń odan ári jaqsarýyn kútedi.
Vıgaýdas ÝShASKAS,
Lıtvanyń burynǵy syrtqy ister mınıstri,
Avia Solutions Group holdıngi dırektor
keńesiniń múshesi
Naqty ózgerister qajet ekeni anyq
Qazaqstan kenetten burq ete túsken qaıǵyly qańtar oqıǵasynyń kýási boldy. Prezıdent Qasym-Jomart Toqaev árqashan óz halqymen birge ekenin málimdeý arqyly halyqaralyq qoǵamdastyqtyń yqylasyna bóledi.
Bul onyń myqtylyǵyn kórsetetini sózsiz. Bul úzdik basshyǵa tán erekshe qasıet. Memleket basshysy eń sheshýshi sátte halyq úshin qolynan kelgenniń bárin jasaǵanyna senimdimin.
Adal jáne ádil «oıyn erejelerin» qalyptastyrý, sondaı-aq búkil saladaǵy monopolııany joıýǵa baǵyttalǵan qadamdar, bılikke saıası ózgeris jasaý týraly málimdemesi qazirgi kezde óte ózekti dep esepteımin. Jalpy, bul Qazaqstanda ǵana emes, basqa postkeńestik elderde de mańyzyn joıǵan joq.
Oǵan qosa, qazir elge túbegeıli reformalar qajet ekenine nyq senemin. Sonymen qatar halyqqa abstraktili ıdeıalar men ýádelerdiń qajeti joq. Biraq qýatty azamattyq qoǵamy bar tıimdi «Jańa Qazaqstandy» qurý úshin naqty ózgerister qajet ekenine kelisemin.
Nıno BÝRDJANADZE,
«Demokratııalyq qozǵalys – birtutas Grýzııa»
saıası partııasynyń jetekshisi,
Grýzııanyń memleket jáne saıası qaıratkeri
Halyq múddesin eskergeni kókeıge qondy
Qazaqstan Respýblıkasynyń Prezıdenti Qasym-Jomart Toqaev Parlament palatalarynyń birlesken otyrysynda Qazaqstan halqyna arnaǵan Joldaýyn jarııalady. Memleket basshysynyń Joldaýy saıası reformalardyń tutas baǵdarlamasyn qamtyǵany kóńil qýantty.
Qazaqstan Prezıdentiniń Joldaýy – jaqyn kúnderi memlekettik apparat ókilderi men saıası elıta ókilderi basshylyqqa alýǵa tıis naqty baǵdar. Memleket basshysy demokratııalyq reformalardyń tujyrymdalǵan tutas keshenin atap ótti. Naqtyraq aıtar bolsaq, Qazaqstan Parlamentiniń qoǵamdaǵy rólin nyǵaıtý prosesin bastady.
Qasym-Jomart Toqaev óziniń barlyq kúsh-jigerin eldegi turaqtylyqty saqtaýǵa baǵyttaǵany anyq der edim. Atap aıtqanda, «Qasiretti qańtar» oqıǵasyna aıryqsha nazar aýdarǵany ańǵaryldy. Damýdyń dańǵyl jolyna túsýdi maqsat etken eldiń erteńi myzǵymas tynyshtyqpen sabaqtas ekenin Prezıdent jaqsy túsinedi. Joldaýda aıtylǵan reformalar halyqtyń demokratııalyq quqyqtaryn jáne azamattardyń áleýmettik jaǵdaıyn nyǵaıtýǵa, elıtalyq toptardyń, monopolısterdiń múddelerine jáne sybaılas jemqorlyqqa qarsy odan ári belsendi saıasatqa baǵyttalǵan.
Memleket basshysy eldegi reformalar Qazaqstan halqynyń birtutastyǵyn saqtaýǵa baǵyttalǵanyn atap ótti. Jyldyń basty qujaty sanalǵan Joldaýynda Prezıdent búginde barlyq nazar «Qasiretti qańtar» oqıǵalarynyń negizgi sebepterin joıýǵa jáne júıeli reformalardy eldiń quqyq qorǵaý organdarynda júrgizýge baǵyttalýǵa tıis ekenin shegelep aıtty.
Usynylǵan reformalar óziniń oń nátıjelerin beretindigine eshqandaı kúmánim joq. О́ıtkeni Qasym-Jomart Toqaev usynǵan saıası reformalar paketi eldegi naqty jáne eleýli ózgeristerdi kórgisi keletin halyq pen qarapaıym azamattardyń múddelerin eskeredi.
Arman GÝKASIаN,
saıasatker (Armenııa)
