Foto: Zakon.kz
«Qańtar oqıǵasy kezinde aýyr jaraqat alǵan 2 balanyń ata-anasyna aqshalaı tólemder jiberildi. Bir bala oq jaýǵan kólikte otbasymen birge, al ekinshi bala oq atylǵan kólikte ákesimen birge bolǵan. Tólemder zardap shekken balalar týraly málimetter túskennen keıin júrgizildi», delingen «Qazaqstan halqyna» qorynyń baspasóz qyzmetiniń habarlamasynda.
Qordyń deregi boıynsha, sanattaǵy jábirlenýshilerge joldanǵan jalpy tólem somasy 97 mln teńge boldy.
«Qaza tapqandardyń otbasyna 7 mıllıon teńgeden, aýyr jaraqat alǵan balalardyń týystaryna 3 mıllıon teńgeden tólendi», delingen habarlamada.
Sondaı-aq Qor ókilderi Qamqorshylyq keńestiń sheshimimen qańtar oqıǵasynyń kezdeısoq qurbany bolǵan barlyq qaza tapqan azamattardyń otbasylaryna quzyrly organdardan tizimderi naqtylanǵannan keıin tólemaqy beriletinin eske saldy.
