Syrdarııa aýdanyna qarasty Qaljan ahýn aýylynda turatyn Qııasovtar áýletinde budan buryn bes perzenti bolǵan. О́tken jyly 34 jastaǵy otanasy egiz sábıdi dúnıege ákeldi. Baqytbek Qııasov pen Elvıra Ábdiǵapparovanyń qýanyshyn bólisken oblys ákimi Nurlybek Nálibaev quttyqtaý hatyn jiberdi.
Hatty oblystyq ishki saıasat basqarmasynyń basshysy Mıra Qazbekova men oblystyq densaýlyq saqtaý basqarmasynyń basshysy Sábıt Pazylov tabystady.
«Dúnıe dıdaryna kelip, áýletti qýanyshqa bólegen baýyr et balapandaryńyz eline eleýli, ultqa adal qyzmet eter azamat atansyn! Shańyraqtaryńyzdy qýanyshqa keneltip jatqan úshemderdiń baýy berik, ómir jasy uzaq bolsyn», dep jazylǵan aımaq basshysynyń quttyqtaýynda.
Aıta keteıik, bul Qyzylorda oblysynda bıyl dúnıege kelgen alǵashqy úshem. Qyzylorda aımaǵy týý kórsetkishi boıynsha elimizde aldyńǵy orynda keledi. О́ńirde jylma-jyl 19-20 myń náreste ómir esigin ashady.
