Olımpıada jańa baǵyttaǵy 30 jobamen erekshe. Tartysty dodanyń birinshi kúni qatysýshy komandalardyń jalpy ereje boıynsha óz ataýyn, uranyn, emblemasyn tanystyrýmen bastaldy. Odan ári tańdalynǵan taqyryp boıynsha beınesıýjet kórsetilip, komandalar baldyq júıemen baǵalandy. Olımpıadanyń ekinshi kezeńi Kahoot platformasynda negizgi pánder men medıa boıynsha quralǵan logıkalyq suraqtardan test tapsyrýmen jalǵasty.
Elimizdiń 16 joǵarǵy oqý ornynan bilimderin synaýǵa kelgen kelgen 48 jas jýrnalıst ózara tartysqa tústi. Olımpıadanyń ekinshi kúninde «Gazet janrlary» boıynsha jazbasha jumys oryndalýda. Munda jazbanyń mazmuny men jarııalaný operatıvtiligi basty orynǵa shyqpaq. Saıys aıasynda bolashaq áriptester bir-birimen tanysyp, pikir almasyp, dostyq qarym-qatynas ornatýda. Osydan bir jyl buryn Halel Dosmuhamedov atyndaǵy Atyraý ýnıversıtetinde onlaın olımpıada ótti. Ol kezde HQTÝ ýnıversıteti jeńimpaz atanǵan. Bul bilim báıgesiniń ereksheligi de sol, utqan komanda kelesi jyly osy dástúrdi ózderiniń joǵarǵy oqý oryndarynda ótkizý múmkindigine ıe bolady. Bul jas jýrnalısterdi kásibı shyńdaýmen qatar, olardyń oqý oryndary úshin tarıh betterinde jazylatyn mańyzdy kún bolmaq.
Al bıylǵy kıeli Túrkistan shaharyndaǵy olımdıada ǵajap der edim! Er túriktiń besigine aınalǵan bul qalanyń ár turǵyny dál aýa-raıynyń jylýlyǵyndaı jaıdarly eken. Táýliktiń qaı mezgiline qaramaı, ár qalanyń túkpir-túkpirinen jınalǵan komandalardy erekshe qarsy alyp, jatar oryndaryna deıin shyǵaryp salyp, qalanyń ásem jerlerin aralatyp, konserttik baǵdarlama men aq dastarhanǵa jaıylǵan aýyz ashardyń qonaǵy etti. Kóne qalanyń ásemdiginde sóz joq! Tap bir shet el dersiz. Alaıda, Túrkistan úshin bul áli bastamasy. Sebebi, joǵaryda aıtqan 30 jańa joba, ýnıversıtettiń 30 jyldyǵyna oraı byltyr qabyldanyp, qazirgi tańda júzege asýǵa qadamdar jasalýda. Bul tek ýnıversıtet mádenıetin ǵana emes, shahardyń materıaldyq emes, mádenı murasyn arttyratyn tyń joba. Munda jastardy jumyspen qamtamasyz etý, olarǵa jańasha bilim berýdiń barlyq múmkindigi tipti, birneshe shet tilderin erkin meńgerý joldary men qatar, ekologııa máselelerdiń bári qarastyrylǵan.
Bıtaı Aıaýlym,
L.N. Gýmılev atyndaǵy
Eýrazııa ulttyq ýnıversıteti
Jýrnalıstıka jáne saıasattaný fakýltetiniń 4 kýrs stýdenti
