INFRAQURYLYM — BASTY NEGIZ

Keshe Munaı jáne gaz mınıstri Saýat Myńbaev Mańǵystaýǵa jumys saparymen kelip Kaspıı teńiziniń qazaqstandyq bóliginde jaǵalaý ınfraqurylymyn damytý máselelerine arnalǵan jumys tobynyń kóshpeli otyrysyn ótkizdi. Atalmysh jumys toby Qazaq­stan­nyń údemeli ındýstrııalyq-ınnovasııalyq damý baǵdarlamasy aıasynda qurylǵan. Onyń basym baǵyttarynyń  biri – munaı-gaz sala­syn, sonyń ishinde Kaspıı teńiziniń qazaqstandyq bóliginde jaǵalaý ınfraqurylymyn damytý. Jumys toby Munaı jáne gaz, Qor­shaǵan ortany qorǵaý, Indýs­trııa jáne jańa tehnologııalar, Qarjy, Aýyl sharýashylyǵy mı­nıstr­likteriniń ókilderinen qu­ral­ǵan. Basqosýǵa  Parlament Máji­lisiniń depýatattary, Qazaqstan Munaı jáne gaz ınstıtýty, Mań­ǵystaý, Atyraý oblystary ákim­dikteriniń, aımaqtaǵy iri-iri ken ıgerýshi kompanııalardyń ókilderi qatysty. Májiliste Mańǵystaý oblysynyń ákimi Q.Kósherbaev, Indýstrııa jáne jańa tehno­lo­gııa­lar vıse-mınıstri B.Ka­malıev, “Qa­zaqstan Munaı jáne gaz ınstı­týty” AQ bas­qarýshy dı­rektory J.Qulekeev, Atyraý obly­sy áki­mi­niń oryn­basary A.Ábdirov of­fshor­lyq jobalardaǵy qazaq­stan­dyq úles jóninde baıandamalar ja­sady. Májiliste jergilikti ma­ńyz­daǵy jobalarda qazaqstandyq úles­ti damytý, Qashaǵan jobasy­nyń ekinshi kezeńiniń tujyrym­damasyn tańdaýdyń aǵymdaǵy mártebesi jáne onyń 2010-2012 jyldary júzege asyrylýynyń negizgi kezeń­deri týraly keńinen áńgime boldy. Sondaı-aq oblys ákimdiginde ınvestısııalyq jobalardy júzege asyrý máseleleri sóz bolyp, Aqtaý plastmassalar zaýytynda jol bı­tý­myn óndirý jáne “QazTrans­Gaz­Aımaq” AQ-tyń Mańǵystaý oblys­tyq gazben qamtý rynogyna qo­sylýy” jobalary tanystyryldy. Jolaman BOShALAQ, AQTAÝ.