«Turǵyn úı kezeginde turǵan 46 azamattyń ótinimi keri qaıtaryldy. Sebebi olardyń attaryna tirkelgen jyljymaıtyn múlki bar. Ereje boıynsha turǵyn úı kezeginde turǵan azamattardyń atynda jyljymaıtyn múlik bolmaýy tıis», dedi Lázzat Ibragımova.
Spıkerdiń aıtýynsha jergilikti ákimdikter azamattardy teksermeı, úı kezegine qoıa bergen. Sonymen qatar 52 adamnyń salyq boıynsha qaryzy bolsa, taǵy 46 adamnyń basqa bankter aldynda qaryzy bar.
«Qazir bul máseleni sheshýdiń zańdy tetikterin qarastyryp jatyrmyz. Indýstrııa jáne ınfraqurylymdyq damý mınıstrligi tıisti zańnamanyń jobasyn ázirledi. Qujat Májiliske jiberildi. Bul Qazaqstanda alǵash qolǵa alynyp otyrǵan joba. Iаǵnı, memleketten sýbsıdııa alý úshin arnaıy esepshot bolýy kerek. Ol esepshotqa túsken qarjyny basqa bank klıenttiń qaryzy esebinen sheship almaýy tıis. Azamattyń salyq boıynsha qaryzy bolsa da, memlekettiń jeńildigin paıdalaný quqyǵy bar», deıdi spıker.
