QR Bas prokýratýrasy 1-shi qyzmet bastyǵynyń orynbasary Eldos Qılymjanovtyń aıtýynsha, 5 qańtar kúni N. esimdi azamat bir top adammen birge Almaty qalasy áýejaıynyń ushý-qoný jolaǵynyń jaryǵyn óshirdi.
«Ol óziniń áreketimen strategııalyq obektiniń qyzmetin toqtatty, nátıjesinde ushaqtar jolaýshylarmen ushyp kete almady jáne toktan ajyratylǵan ushý-qoný jolaǵynda 10 saǵattan artyq turýǵa májbúr boldy. Osy ýaqytta qarýly top Almaty áýejaıynyń ǵımaratyn qıratyp, tonady», dedi Qılymjanov ortalyq kommýnıkasııalar qyzmetinde ótken brıfıngte.
Qazirgi kezde «N»-niń is-áreketteri Qylmystyq kodekstiń 255-baby terrorızm aktisi boıynsha saralanyp jatyr. Onyń qylmysy jınalǵan dáleldemelermen rastalady.
«Qańtar oqıǵasynyń uıymdastyrýshylary men qatysýshylaryn anyqtaý jáne olardy jaýapkershilikke tartý jumystary jalǵasýda», dedi Qılymjanov.
Aıana Toǵanbek
