«Qańtar oqıǵasy kezinde Shyǵys Qazaqstan oblysynyń eki iri qalasynda agresıvti 2500 adam men polısııanyń qaqtyǵysy bir ýaqytta bolǵan. 5 qańtar kúni Semeı qalasynyń ákimdigi basyp alyndy, 12 polısııa avtokóligi zaqymdandy, «Tıgr» arnaıy kóligi urlandy. 124 polısııa qyzmetkeri men Ulttyq gvardııanyń áskerıleri dene jaraqattaryn aldy», dedi E. Qılymjanov.
Onyń aıtýynsha, О́skemen qalasynda shabýyldaýshylar ákimdiktiń, Halyq bankiniń, «Sýlpak» dúkeniniń ǵımarattaryna, kommersııalyq nysandarǵa jáne 10 qyzmettik avtokólikke zaqym keltirgen. «Beket-2» stasıonarlyq polısııa beketi joıylǵan.
«Osy kezeńde oblysta 7 adam qaza tapty. Polısııa ǵımarattarynda qaıtys bolǵan 3 azamatqa qatysty tergeýdi Bas prokýratýranyń arnaıy prokýrorlary júrgizip jatyr. 4 adamnyń máıitine qatysty derekterdi polısııa organdary tergeýde», dedi Bas prokýratýra ókili.
