Baýyrlas elmen aradaǵy saýda turaqty

Jaýapty vedomstvonyń aqparatyna súıensek, qańtar-aqpan kezeńinde elimizden Qyrǵyzstanǵa baǵyttalǵan eksport kólemi 14,2%-ǵa tómendep, 72,6 mln dollardy kórsetken.

Eksporttyń azaıýy tabıǵı gaz jetkizi­limi­niń 84,7%-ǵa nemese 12 mln dollarǵa, sol sekildi súzindiler, essensııalar, kofe, shaı men kofe almastyrǵyshtardyń 91,4%-ǵa ne­­mese 3,3 mln dollarǵa, bıdaıdyń 89,6%-ǵa nemese 2,3 mln dollarǵa jáne kep­ti­ril­gen burshaq kókónisteriniń 100%-ǵa, ıaǵ­nı 1,8 mln dollarǵa tómendeýine baılanys­ty.

Sonymen birge óńdelmegen nemese jar­tylaı óńdelgen altynnyń, onyń untaq túrin­­degi eksportynyń 4 esege nemese 3 mln dol­larǵa ulǵaıǵany, tas kómirdiń 2,7 mln dol­larǵa, temeki ónimderiniń 1,7 mln dol­lar­ǵa, quramynda qanty bar sýsyndar­dy qo­sa eseptegende mıneraldy jáne gaz­dal­ǵan sý ónimderiniń 1,3 mln dollarǵa óskeni baıq­aldy.

Qazaqstannan baýyrlas memleketke shy­ǵarylatyn negizgi taýarlarǵa – temeki ónim­deri, tas kómir, quramynda qanty bar sýsyndardy qosa eseptegende mıneraldy jáne gazdalǵan sýlar, óńdelmegen nemese jar­­­ty­laı óńdelgen altyn, sondaı-aq atal­ǵan ba­ǵaly metaldyń untaqtalǵan túri, je­­ńil av­­to­kólik jáne makaron ónimderi jatady.

Budan bólek qańtar-aqpanda aıyr qalpaqty aǵaıyndar Qazaqstanǵa 53,7 mln dollar somasyna taýar ımporttaǵan.

Desek te baǵaly metaldar men ken konsentrattarynyń ımporttyq kólemi – 18,6%-ǵa, qoıýlandyrylǵan jáne qurǵaq sút pen kilegeı ónimi – 82,3%-ǵa, quramynda qanty bar sýsyndardy qosa eseptegende mıneraldy jáne gazdalǵan sý ónimderi – 94,4%-ǵa, nan men unnan jasalǵan kondıterlik ónimder – 12,9%-ǵa jáne jaryqtandyrý jabdyqtary 99,7%-ǵa tómendepti.

Qyrǵyzstannan elimizge tasymaldanatyn ım­porttyń negizgi túrlerine baǵaly metall men ken konsentrattary (11,5 mln dollar kó­leminde), munaı ónimderi (9,9 mln dollar kóleminde), ystyq bolatty shybyqtar (8,7 mln kóleminde), jyltyratylǵan shy­ny (5,8 mln dollar kóleminde), aıran, ıogýrt (2,8 mln dollar kóleminde), nan jáne un­nan ja­salǵan kondıterlik ónimder (2,8 mln dol­lar kóleminde), plastmassadan jasal­ǵan ydys túrleri (1,1 mln kóleminde), alka­gol­di ishim­dikter (693,9 myń dollar kóleminde) kiredi.