Naýryzda Astana International Exchange – AIX-tegi saýda-sattyq 7 645 505 dollardy qurady. Aqpanda bul kórsetkish 13 195 870 dollarǵa teń edi. Birinshi toqsannyń qorytyndysy boıynsha «Astana» halyqaralyq qarjy ortalyǵynyń bırjasyndaǵy saýda-sattyq kólemi 10 703 210 dollarǵa nemese 24,8 paıyzǵa tómendegen.
Naýryz aıynyń sońynda AIX-te úlestik quraldar lıstıngi bar kompanııalardyń jalpy naryqtyq kapıtaldandyrylýy («Qazatomónerkásip», Polymetal, «Halyq banki», Ferro-Alloy Resources Limited, «Bank SentrKredıt», Kaspi.kz) 22,7 mlrd dollardan asty.
О́tken aıda AIXQI ındeksi qalpyna kele bastady. Indekstiń máni 801.1 pýnktten 932.51 pýnktke (+16,4 paıyz) deıin ósti. 9 kompanııanyń 5-i aıdy jasyl aımaqta aıaqtady. Aıdyń qorytyndysy boıynsha, Central Asia Metals aksııalary aıtarlyqtaı ósti (+13,15 paıyz). Naýryzda kompanııa 2021 jylǵy qyzmetiniń nátıjelerin jarııalady. Onda túsimniń, taza paıdanyń óskeni, aksıonerlerge dıvıdendtik tólemder mólsheriniń artqany jáne basqa da qarjy ólshemderiniń jaqsarǵany aıtylǵan.
Naýryzda «Qazatomónerkásiptiń» aksııalary 9,88 paıyzǵa ósti. О́tken aıda ulttyq kompanııa álemdik ýran baǵasynyń rekordtyq ósýine qaramastan túsiminiń tómendegeni týraly esep berdi. Buǵan ýrandy uzaq merzimdi kelisimsharttarda belgilengen baǵaǵa sáıkes jetkizýi keri áser etken.
«Bank SentrKredıt» aksııalary 3,73 paıyzǵa ósti, al «Halyq banktiń» aksııalary -1,02 paıyzǵa tómendedi. Otandyq bank sektory qańtar oqıǵalarynan keıin shamaly álsirep qaldy. Naýryzda qalpyna kele bastady. Birinshi toqsandaǵy qaryz alýshylardyń kredıttik belsendiliginiń tómendigine jáne Ulttyq banktiń aqsha-kredıt saıasatyn qatańdatý jóninde bir jylda ekinshi ret qabyldaǵan sheshimine qaramastan (bazalyq mólsherlemeniń birden 13,50 paıyzǵa deıin ósýi) aqpan aıynda nesıe portfeli 3,26 paıyzǵa deıin ósti.
Kcell (0,59 paıyz) men «Qazaqtelekom» (0,16 paıyz) aksııalary naýryzda ósim kórsetti. KazTransOil aksııalary -3,43 paıyz joǵaltty. Kaspi.kz aksııalary 15,44 paıyzǵa tómendedi. Kompanııa London qor bırjasynda lıstıngten ótken jahandyq depozıtarlyq qolhattardy keri satyp alý baǵdarlamasyn iske qosý múmkindigi týraly habarlady. Kompanııa basshysynyń málimdeýinshe, aǵymdaǵy naryqtyq kapıtaldandyrý Kaspi.kz qyzmetiniń nátıjelerin tıisti túrde kórsetpeıdi. Kompanııa ortamerzimdi perspektıvada ósý traektorııasynyń kelesi kezeńi úshin neǵurlym qolaıly bırjada lıstıngti qamtamasyz etýge sharalar qabyldaıdy dep kútilýde.
Reseıge jasalǵan sanksııalyq qysym Polymetal baǵasyna keri áserin tıgizýde. Naýryz jáne aqpan aılarynda kompanııa aksııalary -13,06 jáne -65,63 paıyzǵa tómendedi. Dese de resmı málimdemege súıensek, sanksııalar kompanııanyń qyzmetine aıtarlyqtaı áser etpegen. Polymetal-ǵa naqty sanksııa salynýy ekitalaı. Biraq muny joqqa shyǵarýǵa da bolmaıdy.
