О́nerli jastarǵa ánshi, kompozıtor, Qazaqstannyń eńbek sińirgen qaıratkeri Jeńis Seıdollauly, Mádenıet qaıratkeri, «Boztorǵaı» jáne «Shattyq» halyqaralyq baıqaýlarynyń dırektory, «Vıtebskidegi Slavıan bazary» halyqaralyq baıqaýynyń Qazaqstandaǵy ókili Qarlyǵash Ábdikárimova, «Rechnye noty» jáne «Sarandev» halyqaralyq festıvaldarynyń resmı ókili Nıkolaı Tekelıev, «Vıtebsktegi Slavıan bazary» halyqaralyq festıvaliniń dırektory Gleb Lapıskıı, Qyrǵyzstan Respýblıkasynyń eńbek sińirgen ártisi, «KGtaı» balalar jobasynyń avtory jáne prodıýseri, Art Bulak qoǵamdyq qorynyń dırektory Gúlnara Toıǵanbaeva, «Evropa Molodaıa» halyqaralyq festıval-baıqaýynyń dırektory, Ýkraınadaǵy «Mýzykalnoe sozvezdıe» festıvaliniń art-dırektory Tatıana Apanasenko sııaqty óner qaıratkerleri qazylyq etti.
Eki kúnge sozylǵan qos aınalymnan soń qazylar alqasynyń sheshimimen baıqaý jeńimpazdary anyqtaldy.
Kishi topta Qostanaı oblysy, Jitiqara aýdanynan kelgen Ilnaz Satymova júldeli 3-orynnan kórinse, 2-oryn Qostanaı qalasynyń jas ánshisi Saǵyndyq Túgeldiń enshisine buıyrdy. Al 1-oryndy Buryndaıdan kelgen Tamerlan Abdola jeńip aldy. Orta top qatysýshylary ishinde jitiqaralyq Iаsmına Aıýpova 3-oryndy ıelense, 2-orynǵa Oral qalasynan kelgen Móldir Bazarbaı laıyq dep tanyldy. Bul topta Nur-Sultan qalasynyń jas talanty Adel Kúnádilova úzdik óner kórsetip, baıqaý jeńimpazy atandy.
Eresek jastaǵy ónerpazdardyń ishinen elordalyq Erasyl Muqanov úshinshi, Bishkekten kelgen Aıdaı Balbaeva ekinshi oryndy qanaǵat tutsa, 1-oryndy Nur-Sultan qalasynyń jas ánshisi Alına Saǵynbaeva jeńip aldy. Baıqaýdyń naǵyz qyzǵan tusynda «Sheberler» tobyndaǵy ónerpazdar sahnaǵa kóterildi. Bul topta óner kórsetken ánshilerdiń jastyǵyna qaramastan ábden ysylyp qalǵany kórinip-aq turdy. Qazylar alqasy «sheberlerdiń» ishinen elordalyq Baǵdáýlet Ermahandy 3-orynǵa laıyq dep tapty. El astanasynan kelgen taǵy bir jas ánshi Dilnaz Saparǵalıeva ekinshi oryndy enshiledi. 1-oryn Armenııa ánshisi Tatevık Arsrýnıanǵa buıyrdy. Al «Altyn mıkrofon-2022» halyqaralyq baıqaýynyń Bas júldesin Bolgarııa elinen kelgen jas daryn Slaveıa Ivanova jeńip aldy.
О́ner baıqaýynyń marapattaý rásimine oblys ákiminiń orynbasary Baqyt Esimova qatysyp, jas ónerpazdardy quttyqtady.
– «Altyn mıkrofon» halyqaralyq baıqaýy Qostanaıdyń tańdaýly óner jobalarynyń biri bolyp tabylady. Bul baıqaý jergilikti daryndy balalardyń halyqaralyq deńgeıge shyǵýyna jol ashady. Jyl saıyn jańa esimder anyqtalyp, olar túrli deńgeıdegi asýlardy baǵyndyryp júrgenine kýá bolyp jatamyz. Máselen, Ernar Sadyrbaev, Balýan Berkenov, taǵy da basqa búginde esimderi búkil elge tanymal bolǵan ónerpazdar osy baıqaýdan qanattanyp shyqty, – dedi B.Esimova.
