«Bıyl 165 joba iske qosylady. Al qalǵan 498 joba 2023-2026 jyldary júzege asyrylady dep josparlap otyrmyz. Osy jyly iske asyrylyp jatqan jobalardyń ınvestısııalarynyń jalpy kólemi - 1,7 trln teńge. Kapıtaldy barynsha qajet etetin, 820 mlrd teńge kólemindegi jobalar Atyraý oblysynda iske asyrylady. Jobalar sanynyń az bolǵandyǵyna qaramastan, atap aıtsaq 5 joba, bir jumys ornyna salynǵan ınvestısııalar kólemi 1 mlrd teńgeni quraıdy. Investısııalardyń eń az kólemi Pavlodar oblysyna tıesili – 7,4 mlrd teńge», dedi Q. О́skenbaev.
Onyń atap ótýinshe, kapıtaldy eń az qajet etetin jumys oryndaryn qurý Batys, Soltústik Qazaqstan, Qostanaı oblystarynda bolady. Bul óńirlerde bir jumys ornyna shamamen 20-30 mln teńge jumsalady.
«Memlekettik organdar bólinisinde jaǵdaı kelesideı: 2022 jyly Indýstrııa jáne ınfraqurylymdyq damý mınıstrligi 107 jobany, Aýyl sharýashylyǵy mınıstrligi 46 jobany, Energetıka mınıstrligi – 5 jobany jáne Densaýlyq saqtaý mınıstrligi 7 jobany iske asyrýǵa jaýapty. Jobalar tolyq qýatymen júzege asyrylǵan kezde 2,5 trln teńgeniń ónimi shyǵarylyp, eksporttyń jalpy kólemi 3,6 mlrd AQSh dollaryn quraıdy dep josparlanýda», dedi mınıstr.
