Qaıǵyly oqıǵa Ýlıanov oblysynda boldy.
«Atys balabaqshada boldy. Tórt adam qaza tapty», dep habarlady oblys ákimdiginiń baspasóz qyzmeti.
Derekkózdiń habarlaýynsha, atys sebebi turmystyq janjal bolýy múmkin. Atys balalar demalyp jatqan kezde bolǵan.
Onda kórsetilgendeı, oq atýshynyń jeke basyn anyqtaý ázirge qıyn bolyp otyr. Balabaqshanyń taǵy bir qyzmetkeri oq jaraqatyn alǵan. О́ńirdiń densaýlyq saqtaý mınıstrligi zardap shekken adamǵa barlyq qajetti medısınalyq kómek tolyq kólemde kórsetilip jatqanyn naqtylady. Oqıǵa týraly aqparatty aımaq úkimetiniń baspasóz qyzmeti de rastady. Vedomstvo oq jaýdyrǵan adamnyń óz-ózine qol jumsaǵanyn aıtty.
«Sumdyq qylmys bolǵan Veshkaımdaǵy jaǵdaı jóninde atqarýshy bılik ókilderimen jáne depýtattyq korpýspen sóılestim. Aldyn ala aqparat boıynsha, 2016 jáne 2017 jyly týǵan eki búldirshin men bala kútýshi qaza tapty», dep jazdy oblystaǵy Memlekettik Dýmanyń depýtaty Sergeı Morozov Telegram kanalynda.
Oblys gýbernatorynyń baspasóz qyzmeti aımaq basshysy marqumdardyń otbasyna shuǵyl kómek kórsetýdi tapsyrǵanyn habarlady. Qazirgi ýaqytta gýbernatordyń ókimimen birinshi vıse-gýbernator Igor Edel men vıse-gýbernator Aleksandr Korobko oqıǵa ornyna bet aldy.
«Aldyn ala aqparat boıynsha, qarý oq jaýdyrýshyǵa emes, basqa adamǵa tıesili bolǵan», dedi Korobko.
