Jalpy, jańa Qazaqstan degendi qazir halyq ádiletti Qazaqstan dep qabyldap jatyr ǵoı. Men de solaı qabyldaımyn. Qańtar oqıǵasynan keıin Memleket basshysy Qasym-Jomart Toqaev qolǵa alǵan jumystardyń barlyǵyn nátıjeli atqardy, munyń barlyǵyn halyq bilip, qoldap otyr. Prezıdent partııa quramynan shyǵyp, tizginin halyqqa tapsyrǵandaı boldy. О́ıtkeni partııa tóraǵalyǵyna Májilis Tóraǵasyn saılady. Al Májiliste halyqtyń saılaǵan ókilderi otyr. Sol sebepti, Amanat partııasyn halyqtyń jaıyn oılaǵan partııa dep esepteımin. Amanat degenniń ózi qasıetti sóz.
Endi, eki partııanyń qosylyp qyzmet atqarýy álemdik tájirıbede bar nárse. Máselen, Japonııanyń lıberal-demokratııalyq partııasy, Germanııanyń jetekshi partııalary bir-birine qosylǵanynan habardarmyz. Bul prosester demokratııalyq memleketke tán qubylys. Bizdiń elimizde de júzege asýda, táýelsiz memleket ekenimizdiń bir kórsetkishi.
Adal partııasyna keletin bolsaq, sońǵy 5-6 jylda elge tanyldy. О́zderiniń aýqymdy jobalary bar, eldiń jaǵdaıyna alańdap, pikirlerin bildirip, qarapaıym azamattarǵa qoldaý kórsetkenin bilemiz. Bul partııa kezinde aýdandyq máslıhattarda 26 mandatqa ıe bolǵan, qarqyndy damyp kele jatqan partııa boldy. Úsh quryltaıyn ótkizdi. Aldaǵy ýaqytta eki partııanyń birikken jumysy budan da nátıjeli bolady dep úmittenemin. Partııa quramynda elge tanymal qoǵam belsendileri, halyqqa janashyr azamattar bar. Halyqtyń sózin sóıleıtin partııa – meniń partııam!
Sáýle DOSJAN,
Qazaqstannyń eńbek sińirgen qaıratkeri, jazýshy
