Bul qarjy jańa ken baıytý fabrıkasynyń qurylysyna jumsalǵan. Fabrıka negizinen óndiris kezinde jınaqtalǵan qaldyqtardy óńdeıdi. Sondaı-aq bolashaqta óndirilgen kendi óńdeýge tıis.
Dııar Qanashevtiń pikirine qaraǵanda, kompanııa jaǵdaıdy retteýdiń eki ssenarıin ázirlepti. Optımıstik ssenarıı boıynsha, joba geologııalyq barlaý júrgizilip, qorlar naqtylanǵannan keıin 2024 jyly paıdalaný fazasyna shyǵarylady. Pessımıstik turǵydan alǵanda kompanııa Bestóbe kenishi men baıytý fabrıkasyn konservasııalaıdy, sodan keıin joıady.
– Ssenarııdi tańdaý usynylyp otyrǵan ken ornyn karerlik ádispen ıgerý jobasyna degen qoǵamnyń reaksııasyna baılanysty. Osy jyldyń 18 naýryzynda ken ornynyń kenshileri Prezıdent Qasym-Jomart Toqaevty kenishtegi shahta óndirisiniń jabylýyna jol bermeýge shaqyryp, úndeý jarııalady. О́ndiris toqtasa, myńnan astam adam jumyssyz qalady. Olardyń qaıda baratyny da belgisiz, – deıdi D.Qanashev.
Eske sala keteıik, byltyr shildede kompanııa jergilikti turǵyndardyń narazylyǵyna baılanysty Bestóbedegi fabrıkanyń qyzmetin toqtatýǵa májbúr boldy. 2021 jyly «Altynalmas» kásiporyndary 11,9 tonna Dore qorytpasyn óndirdi. Bıylǵa arnalǵan óndiristik jospar túrli faktorlarǵa baılanysty ózgeripti. Sonyń ózinde jyl sońyna deıin 15 tonna ónim alý josparlanyp otyr.
– Boljamdyq ssenarııden aýytqyǵan sebebimiz, Reseıge qarsy sanksııalarǵa baılanysty logıstıkalyq problemalar oryn alýy múmkin. Komponentter men materıaldardy jetkizý júıeleri quldyraýda. Reseıdegi biz jumys istegen jabdyqtardy jetkizýshilerdiń ókildikteri jabyldy. Siemens, Schneider Electric, ABB sııaqty elektr jabdyqtaryn jetkizýshiler bizben Máskeýdiń dıstrıbıýtorlyq ortalyqtary arqyly jumys istedi. Bir túnde atalǵan kompanııalardyń endi bizdiń aımaqqa jumys istemeıtini týraly hat aldyq. Bári kenetten boldy. Sondyqtan eshkim V josparyn oılastyrmaǵan. Qazir logıstıkanyń ártúrli nusqalaryn, sonyń ishinde Qytaı arqyly tasymaldaý jaǵyn qarastyryp jatyrmyz, – deıdi D.Qanashev.
«Altynalmas» otandyq altyn óndirýshilerdiń TOP-3 qataryna kiredi. Kompanııanyń óndirýshi kásiporyndary Jambyl, Qaraǵandy jáne Aqmola oblystarynda ornalasqan. Sondaı-aq Shyǵys Qazaqstan oblysynda barlaý jobasy bar. Kompanııanyń qarjylyq nátıjeleri týraly eń sońǵy aqparatqa súıensek, 2021 jyldyń 9 aıynda túsim 21 paıyzǵa – 118,9 mlrd teńgege deıin, taza paıda 102 paıyzǵa – 87,2 mlrd teńgege deıin ósken.
Bestóbe jobasy «Qazaqaltyndy» satyp alǵannan keıin «Altynalmasqa» aýysqan bolatyn. Bul rette ortaq mámilege kelý úshin úsh jyl (2019-2021 jyldar) ýaqyt qajet bolǵany esimizde. «Qazaqaltynnyń» burynǵy ıeleri – Vladımır Kım men Edýard Ogaı kompanııanyń 100 paıyzdyq aksııasy úshin shamamen 310 mln dollar aldy. 2022 jylǵy 1 sáýirdegi jaǵdaı boıynsha, kompanııanyń aksıonerleri kelesideı úleske ıe: GOLDEN RESERVES B.V. – jaı aksııalardyń 60 paıyzy, Vladımır Jumanbaev – 22 paıyz, Dııar Qanashev – 9,5 paıyz, Igor Vetıýl – 5,5 paıyz.
