Nur-Sultan qalasynyń polıseıleri Kınologııalyq qyzmet ortalyǵynyń ıtterin paıdalana otyryp tintý barysynda «Mırnyı» garaj kooperatıvinen polıetılen qap tapty. Belgili bolǵandaı, qapta «gashısh» esirtki zaty saqtalǵan. Satýǵa daıyndalǵan zattyń salmaǵy 25 keli eken.
Nur-Sultan qalasy PD Esirtki qylmysyna qarsy is-qımyl basqarmasynyń bastyǵy polısııa polkovnıgi Erlan Akbarovtyń aıtýynsha, tárkilengen esirtki quraldarynyń sany esirtkini tutyný úshin 5000 bir rettik dozany quraıdy. Al quny «qara naryqta» 30 mıllıon teńgege jýyq. Atalǵan fakti boıynsha QR QK 297-baby 3-bóligi boıynsha sotqa deıingi tergeý amaldary júrgizilýde.
Kúdikti óz kinásin moıyndady. Qazir elorda aýmaǵynda esirtki jetkizýge jáne ótkizýge qatysy bolýy múmkin basqa da adamdar anyqtalýda.
