QYZYLAǴAShTYQ JASTARDYŃ QÝANYShY

Birazdan beri kópshiliktiń kó­ńilin alańdatqan Qyzylaǵashtaǵy tasqyn saldarynan bolǵan zar­dap­ty joıý sharalary birtindep ar­nasyna túsip keledi. Turǵyn­dardyń alǵashqy legi sáýletti úılerge kirip qýansa, qalǵandary da qurylysy aıaqtalýǵa jaqyn bas­panalaryn asyǵa kútýde. Tas­qynnan úlkender ǵana emes, jas urpaq ta qıynshylyqqa tap bol­dy. О́ıtkeni, mundaǵy mektep ǵı­maraty zardap shegip,  oqýshylar Taldyqorǵan qalasy men basqa da bilim shańyraqtarynda oqýlaryn jalǵastyrýlaryna týra kelgen-di. Mine, oqý jyly da  aıaqtalýǵa ja­qyn. Endi mektep bitirýshi túlek­terdi aldaǵy biryńǵaı ulttyq tes­tileýge qatysty máseleler oılan­dyrýda. Oblysqa issaparmen kelgen Bilim jáne ǵylym mınıstri Jan­seıit Túımebaev tasqynnan zardap shekken aýylda bolyp, Qyzyl­aǵash, Eginsý eldi mekenderindegi mek­tep bitirýshi túlektermen kez­desti. Mınıstr atalǵan eldi me­ken­derdegi túlekterdiń UBT-ny bel­gilengen ýaqytta emes, bir jarym aı keıin, ıaǵnı shildeniń 19-y men 26-sy aralyǵynda tap­syrýǵa múmkindik jasalǵandyǵyn jet­kiz­di. Synaq barysynda oqýǵa qa­byl­danýǵa tıis eń tómengi 50 bal­lǵa qol jetkizgen shákirtter kon­kýrsqa túskende jeńildik ja­sa­la­tyn boldy. Atalǵan aýyl­dar­daǵy joǵary oqý ornynyń aqyly bóliminde oqıtyndarǵa ekinshi jar­tyjyldyqtyń aqysyn tóle­meıtindigi jáne jataqhanalarda tegin turý múmkindigi jasalatyny da aıryqsha qamqorlyq deýge bolady. Kezdesýde mektep bitiretin tú­lek­ter sóılep, Memleket bas­shy­sy men  Bilim jáne ǵylym mınıs­tri­ne, oblys ákimine ózderine ja­salǵan qamqorlyqtary úshin al­ǵystaryn aıtty. О́zderiniń bir­yń­ǵaı ulttyq testileýdi ýaqytynda tapsyrýǵa múmkindikteri bar eken­dikterin, qıynshylyqqa qaramas­tan mektep baǵdarlamasynan qalmaı, óz ýaqtysynda jan-jaqty bilim alýǵa múmkindik jasalǵanyn aıtty. Júzdesýde oblys ákimi Serik Úmbetov oblystyq máslıhattyń sessııasyna bıylǵy túlekterdi oblys ákiminiń grantymen oqytý jóninde másele qoıylatyndyǵyn aıtyp, barshany qýantyp tastady. Qazirgi kezde oblysta 273 áleý­met­tik jaǵynan jetkiliksiz qamtylǵan otbasylarynyń balalary osyn­daı jeńildikke ıe. Endi onyń qatary óse túspek. Demek, túlekter qamqorlyqty sezinip, ómirden óz ornyn tabýlaryna yntalansa, nur ústine nur degen tilek qosty jınalǵandar. Túlekterdiń júregine ot jandyrǵan júzdesýde mınıstr bir top mektep basshylary men ustazdardy marapattady. Olardyń arasynda I. Jansúgirov atyndaǵy mektep dırektory Á.Baıtumaqov, ustaz R.Imanqulova Ybyraı Altynsarın atyndaǵy tósbelgi­men, muǵalim T.Bektemirova, Aqto­ǵan aýylyndaǵy mekteptiń dırek­tory T.Asylbaev, Eginsý aýyly­nyń ustazy J.Ahmetova men qyzylaǵashtyq B.Qydykenova Bilim jáne ǵylym mınıstrliginiń Qurmet gramotalaryna ıe bolyp, mereılendi. Kúmisjan BAIJAN, Almaty oblysy.