«Memleket basshysynyń ókimimen Málik Nurjanuly Otarbaev Qazaqstan Respýblıkasy Prezıdentiniń keńesshisi laýazymyna taǵaıyndaldy», delingen habarlamada.
Málik Nurjanuly 1980 jyly 2 aqpanda Jambyl oblysy, Aqjar aýylynda týǵan.
Eńbek jolyn 2001 jyly ál-Farabı atyndaǵy Qazaq ulttyq ýnıversıtetiniń halyqaralyq qatynastar fakýltetinde stajer-zertteýshi bolyp bastaǵan.
2003-2016 jyldar aralyǵynda ál-Farabı atyndaǵy Qazaq ulttyq ýnıversıtetiniń halyqaralyq qatynastar fakýltetinde aspırant, «Dıalog» Eýrazııa-Qazaqstan» jýrnalynyń jaýapty hatshysy, bas redaktory, bas úılestirýshisi, Qazaqstan Jazýshylar odaǵyna qarasty «Qalamger» jýrnalynyń bas úılestirýshisi. Qazaqstan Respýblıkasy Mádenıet jáne sport mınıstrliginiń Halyqaralyq túrki mádenıetin damytý TÚRKSOI uıymyndaǵy ókili bolyp qyzmetter atqarǵan.
2016-2018 jyldary Qazaqstan Respýblıkasynyń Túrkııa Respýblıkasyndaǵy elshiliginiń Úshinshi hatshysy.
2018-2020 jyldary – Túrkistan oblysy ákiminiń orynbasary.
2020 jyldyń qarashasynan beri Qoljazbalar men sırek kitaptar ulttyq ortalyǵynyń basshysy qyzmetin atqaryp keldi.
