Bul jarystar Qazaq eliniń ataq-dańqyn shyǵardy. Alysqa barmaı-aq, shyraıly Shyǵystyń bas qalasy О́skemende voleıboldan klýbtyq komandalar arasynda qatarynan eki ret Azııa chempıonaty ótti. О́kinishke qaraı, medalǵa bir qadam jete almaı ekeýinde de tórtinshi oryndy qanaǵat tutqan edik. Al ótken jyly О́skemenniń «Altaı» komandasy aıdy aspanǵa shyǵaryp, Azııa chempıony atandy. Endi, mine, qyzdar arasyndaǵy Azııa chempıonaty Semeıge kelip jetti. semeılikterdiń qýanyshynda shek joq.
– Dúbirdi dodaǵa bes eldiń úzdik degen alty komandasy qatysýda. Olar: Iran men Taıland, О́zbekstan men Qyrǵyzstan ókilderi. Túrli sebepterge baılanysty Japonııa men Koreıanyń myqtylary Semeıge kele almady. Ásirese Japonııa men Ońtústik Koreıada pandemııa órship tur. Qazaqstannan eki komanda – О́skemenniń «Altaı», Petropavldyń «Qýanysh» komandalary bizge qýanysh syılar degen úmittemiz. Jarysqa muqııat daıyndaldyq. Kelgen qonaqtarǵa jaıly oryn, barlyq jaǵdaı jasaldy. Qonaqúıden jarys ótetin sport keshenine avtobýs qatynaıdy, qala turǵyndarynyń alańsyz keshenge jetýin Semeı qalasynyń ákimi Baqytjan Baıahmetov oılastyrdy, – dedi osy dúbirli dodany ótkizýge kóp eńbek sińirgen oblystyq dene shynyqtyrý jáne sport basqarmasynyń basshysy Dosjan Ýálhanov.
Azııa chempıonatynyń ashylýy bes myń adamǵa arnalǵan «Arena» sport kesheninde ótip, ony oblys ákimi D.Ahmetov ashyp, jınalǵandardy quttyqtady. Budan keıin Shyǵystyń úmit kúttiretin «Altaı» komandasy men «Qýanysh» komandasy dúbirli dodany bastady. Tartysty ótken kezdesýde elimizdiń bes dúrkin chempıony «Altaı» 3:1 esebimen jeńiske jetti. Al 26 sáýirde qyzyljarlyqtar Taılandtyń myqty komandasyn 3:1 esebimen, keshkilik «Altaı» qyrǵyz komandasyn 3:0 esebimen utty.
Azııa chempıonaty 30 sáýirde aıaqtalady.
Ońdasyn ELÝBAI,
«Qazaqstannyń qurmetti sport qaıratkeri»
