Kún saıyn qoǵamda atqarylyp jatqan jumystar jóninde buqaralyq aqparat quraldary arqyly tanysyp, bilip jatamyz. Densaýlyq saqtaý salasy da budan tys qalmaıdy. Atap aıtqanda, medısınada kóp ózgerister boldy. Aldaǵy isteletini de qyrýar. Halyqqa kórsetiletin kómektiń qaýipsizdigi men qoljetimdiligine, sapanyń jaqsarýyna kúsh-jiger jumyldyrylýda.
Bul rette Densaýlyq saqtaý mınıstrligi men tıisti organdar «Salamatty Qazaqstan» baǵdarlamasyn iske asyrý úshin aıanbaı eńbek etýde. Al dárigerlik kómektiń sapasyn jaqsartý, básekege qabiletti densaýlyq saqtaýdy qalyptastyrý úshin medısınalyq uıymdardy syrtqy keshendi baǵalaý (akkredıtteý) jalǵasa bermek. Baǵdarlamada medısınalyq uıymdardy akkredıtteý ulttyq standarttar negizinde, al keıinnen halyqaralyq standarttar negizinde júzege asyrylatyn bolady dep naqtylanǵan.
Endi, osy máselege toqtalyp óteıik. Akkredıtteý degenimiz ne? Odan emdelýshilerge keler paıda qandaı? «Akkredıtteý» sózi – latyn tilinen aýdarǵanda «senim bildiremin» degen maǵynany bildiredi. Ol medısınalyq ǵylym men tehnologııanyń qazirgi zamanǵy damýy negizinde belgilengen standarttarǵa sáıkestigin baǵalaý úshin qoldanylady. Akkredıtteý – eriktilik, táýelsizdik, ádildik, jarııalylyq jáne aıqyndyq qaǵıdattaryna negizdelgen, ári básekege qabiletti densaýlyq saqtaýdy qalyptastyrý, medısınalyq kómektiń sapasyn jaqsartý úshin júrgiziledi. Sondyqtan akkredıtteýden ótýge nıettengen medısınalyq uıymdar jan-jaqty baǵalaýdan ótýi tıis. Ol kezde jalpy basqarý, dárilik qaýipsizdik, órt qaýipsizdigi, naýqastyń qaýipsizdigi, qarjyny basqarý, eńbek sharalarynyń júrgizilý barysy, ishki aýdıt, resýrstardy basqarý, eńbek gıgıenasy jáne t.b. parametrlerge jiti nazar aýdarylady. Bul medısınalyq qyzmet sapasyn arttyrýǵa, tehnıkalardy zaman talabyna sáıkestendirýge, medısına salasyn jetildirýge septigin tıgizedi. Osyndaı baǵalaýdan ótkennen keıin ǵana aýrýhana qoıylatyn talaptarǵa sáıkes kele me, joq pa dep nyq aıtýǵa bolady.
Saıyp kelgende, árıne syrtqy keshendi baǵalaýdan ótken medısınalyq uıymdarǵa óz densaýlyǵymyzdy senip tapsyrýymyzǵa bolady. Dúnıejúzilik tájirıbede akkredıtteý standarttary boıynsha baǵalaýdan ótken jáne «ISQua densaýlyq saqtaýdaǵy sapa boıynsha Halyqaralyq qaýymdastyqpen» tanylǵan medısınalyq mekemelerge halyq erekshe senim artady. Sondyqtan, eger siz medısınalyq kómek alý úshin qaı emhanaǵa baratynyńyzdy bilmeseńiz, sapa standarttaryna saı keletin klınıkaǵa júgingenińiz jón. Ol tizimdi siz Densaýlyq saqtaý mınıstrligi men Respýblıkalyq densaýlyq saqtaýdy damytý ortalyǵynyń resmı saıtynan ala alasyz. Iаǵnı, akkredıttelgen klınıkalarda emdelýshilerdiń quqyqtary saqtalady, medısınalyq kómek tıisti deńgeıde kórsetiledi dep naqty aıtýǵa bolady. Denińiz saý bolsyn!
Rasýl QASYMBEKOV,
«Respýblıkalyq densaýlyq saqtaýdy
damytý ortalyǵy» RMK Akkredıtteý
ortalyǵynyń bas mamany.
Bul rette Densaýlyq saqtaý mınıstrligi men tıisti organdar «Salamatty Qazaqstan» baǵdarlamasyn iske asyrý úshin aıanbaı eńbek etýde. Al dárigerlik kómektiń sapasyn jaqsartý, básekege qabiletti densaýlyq saqtaýdy qalyptastyrý úshin medısınalyq uıymdardy syrtqy keshendi baǵalaý (akkredıtteý) jalǵasa bermek. Baǵdarlamada medısınalyq uıymdardy akkredıtteý ulttyq standarttar negizinde, al keıinnen halyqaralyq standarttar negizinde júzege asyrylatyn bolady dep naqtylanǵan.
Endi, osy máselege toqtalyp óteıik. Akkredıtteý degenimiz ne? Odan emdelýshilerge keler paıda qandaı? «Akkredıtteý» sózi – latyn tilinen aýdarǵanda «senim bildiremin» degen maǵynany bildiredi. Ol medısınalyq ǵylym men tehnologııanyń qazirgi zamanǵy damýy negizinde belgilengen standarttarǵa sáıkestigin baǵalaý úshin qoldanylady. Akkredıtteý – eriktilik, táýelsizdik, ádildik, jarııalylyq jáne aıqyndyq qaǵıdattaryna negizdelgen, ári básekege qabiletti densaýlyq saqtaýdy qalyptastyrý, medısınalyq kómektiń sapasyn jaqsartý úshin júrgiziledi. Sondyqtan akkredıtteýden ótýge nıettengen medısınalyq uıymdar jan-jaqty baǵalaýdan ótýi tıis. Ol kezde jalpy basqarý, dárilik qaýipsizdik, órt qaýipsizdigi, naýqastyń qaýipsizdigi, qarjyny basqarý, eńbek sharalarynyń júrgizilý barysy, ishki aýdıt, resýrstardy basqarý, eńbek gıgıenasy jáne t.b. parametrlerge jiti nazar aýdarylady. Bul medısınalyq qyzmet sapasyn arttyrýǵa, tehnıkalardy zaman talabyna sáıkestendirýge, medısına salasyn jetildirýge septigin tıgizedi. Osyndaı baǵalaýdan ótkennen keıin ǵana aýrýhana qoıylatyn talaptarǵa sáıkes kele me, joq pa dep nyq aıtýǵa bolady.
Saıyp kelgende, árıne syrtqy keshendi baǵalaýdan ótken medısınalyq uıymdarǵa óz densaýlyǵymyzdy senip tapsyrýymyzǵa bolady. Dúnıejúzilik tájirıbede akkredıtteý standarttary boıynsha baǵalaýdan ótken jáne «ISQua densaýlyq saqtaýdaǵy sapa boıynsha Halyqaralyq qaýymdastyqpen» tanylǵan medısınalyq mekemelerge halyq erekshe senim artady. Sondyqtan, eger siz medısınalyq kómek alý úshin qaı emhanaǵa baratynyńyzdy bilmeseńiz, sapa standarttaryna saı keletin klınıkaǵa júgingenińiz jón. Ol tizimdi siz Densaýlyq saqtaý mınıstrligi men Respýblıkalyq densaýlyq saqtaýdy damytý ortalyǵynyń resmı saıtynan ala alasyz. Iаǵnı, akkredıttelgen klınıkalarda emdelýshilerdiń quqyqtary saqtalady, medısınalyq kómek tıisti deńgeıde kórsetiledi dep naqty aıtýǵa bolady. Denińiz saý bolsyn!
Rasýl QASYMBEKOV,
«Respýblıkalyq densaýlyq saqtaýdy
damytý ortalyǵy» RMK Akkredıtteý
ortalyǵynyń bas mamany.
