«Aýyl halqyn jumyspen qamtý ásirese oblys, aýdan, onyń ishinde aýyl ákimderiniń basty mindetteri ekeni belgili. Halqymyzda «Aýyly bútindi – aman de, Eli bútindi – esen de» degen ataly sóz bar. Sondyqtan aýyl turǵyndary úshin jumys oryndaryn qurý, oǵan jaǵdaı jasaý kerek. Biraq, ol ońaı jumys emes. Degenmen, ony sheshýge bel sheshe kirisýimiz qajet. Osylaısha, aýyl turǵyndarynyń úı sharýashylyǵy deńgeıindegi tabysyn arttyrýǵa tıispiz. Oǵan múmkindik bar, el bolyp atsalysýymyz kerek», dedi Úkimet basshysynyń orynbasary Ortalyq kommýnıkasııalar qyzmetindegi baspasóz máslıhatynda.
Onyń aıtýynsha, Aqmola oblysynyń Qarabulaq aýylyndaǵy 4 úı sharýashylyǵyn biriktiretin «Ar-Aı» aýyl sharýashylyǵy óndiristik kooperatıvi kókónis daqyldaryn ósirip qasyndaǵy Stepnogorsk qalasyn qamtamasyz etip otyr. Al Jambyl oblysynyń Qordaı aýdanynda 17 úı sharýashylyǵyn iriktiretin «Ekochıken» aýyl sharýashylyǵy óndiristik kooperatıvi taýyq etin óndirý kólemin bir jyl ishinde 147 tonnadan 336 tonnaǵa deıin arttyrǵan.
«Baǵdarlama aıasynda «Aýyl - tabys kózi» jobasyn iske asyramyz. Ol jerde úı sharýashylyǵy kooperatıvterine biriktirý negizgi maqsattarymyzdyń biri bolady. Árbir mundaı kooperatıvtke memleket kómek kórsetedi. Bul ońaı emes. Oǵan halyq atsalý tıis. Nıettengen azamattarǵa naqty kómek bolatyndyǵyn atap ótkim keledi», dedi Eraly Toǵjanov.
Aıana Toǵanbek
