Ákim saılaýǵa qatysý tájirıbesimen bólisip, aýyldyq jerlerde úgit-nasıhattyń eń tıimdi túrleriniń biri halyqpen jeke kezdesýler bolatynyn atap ótti. О́z kezeginde OSK tóraǵasy kandıdattar eshqandaı shekteýsiz debat uıymdastyryp, ótkizýge jáne bul saılaýshylarǵa sanaly tańdaý jasaýǵa yqpal etetinin atap ótti. Aýyl turǵyndary ótken aýyl ákiminiń saılaýyna jáne ózderi saılaǵan ákimniń jumysyna oń baǵa berdi.
27 sáýirde E.Bóketov atyndaǵy Qaraǵandy memlekettik ýnıversıtetiniń «Stýdentter mádenıet saraıy» ǵımaratynda Nurlan Ábdirovtiń saıası partııalar, ÚEU, qoǵamdyq keńes, máslıhat, BAQ ókilderimen, qoǵamdyq pikir kóshbasshylarymen, blogerlermen, saılaý komıssııalarynyń múshelerimen úlken kezdesýi ótti. Is-sharaǵa 558 adam qatysty.
Memleket basshysy Qasym-Jomart Toqaevtyń Qazaqstan halqyna Joldaýynda aıtylǵan saılaý prosesin odan ári jetildirý máseleleri boıynsha mazmundy pikirtalas ótti. «Qazaqstandyq múgedekter konfederasııasy» RQB oblystyq fılıalynyń basshysy Darhan Tilemisov múgedektigi bar adamdardyń qoǵamdyq uıymdary saılaý týraly zańnamaǵa áıeldermen, jastarmen, múgedektigi bar adamdarmen qatar, saılaý partııalyq tizimderindegi 30% kvotany qamtıtyn túzetýlerdi qoldaıtynyn atap ótti. Bul rette onyń pikirinshe, máslıhat depýtattaryn saılaý kezinde de osyndaı kvota qarastyrylýy qajet.
Buqar jyraý aýdandyq máslıhatynyń hatshysy Álı Ashat majorıtarlyq júıeni engizý aıasynda shaǵyn saılaý okrýgterin qurýdy, tıisinshe okrýgtegi saılaýshylar sanyn azaıtýdy usyndy. Onyń pikirinshe, eldi mekender arasyndaǵy qashyqtyq ońtaıly bolsa jáne okrýgtegi saılaýshylardyń sany edáýir yqsham bolsa depýtattyqqa kandıdattar saılaýaldy úgit jumystaryn tıimdi júrgizýge múmkindik alar edi degen oıyn ortaǵa saldy.
Kóptegen jyl boıy ýchaskelik saılaý komıssııasynyń hatshysy bolyp jumys istegen Natalıa Klımenko saılaý komıssııalarynyń músheleri Konstıtýsııalyq zańmen júktelgen mańyzdy fýnksııalardy oryndaıtynyn alǵa tarta otyryp, olardyń mártebesin arttyrý týraly usynys jasady.
«Muqalmas» QB basshysy Maıra Abdrahmanova aýmaqtyq jáne ýchaskelik saılaý komıssııalary músheleriniń quzyreti týraly másele kóterdi. «Aq jol» QDP fılıalynyń tóraǵasy Ermek Ábildın aýmaqtyq saılaý komıssııalaryna saılaý prosesine qatysýshylardy aqparattandyrý kezinde áleýmettik jelilerdi belsendi paıdalanýdy usyndy.
Qaraǵandynyń turǵyny Saıat Rahımov Ortsaılaýkom uıymdastyrǵan kezdesýler saılaýshylardyń saılaýǵa degen senimin arttyrýǵa yqpal etetinin atap ótip, osyndaı tájirıbeni oblystyq deńgeıdegi aýmaqtyq saılaý komıssııalary da ótkizý kerek degen pikirin bildirdi.
E.Bóketov atyndaǵy Qaraǵandy memlekettik ýnıversıtetiniń «Jastar ortalyǵy» kovorkıng ortalyǵynda OSK tóraǵasynyń óńir jastarymen kezdesýi ótti. Jas saılaýshylardy aralas saılaý júıesin engizý máseleleri qyzyqtyrdy. OSK basshysy majorıtarlyq júıe kandıdattar arasynda úlken básekelestikke ákeletinin atap ótti. Sondaı-aq ol osy qaǵıdat boıynsha saılanǵan depýtattar partııalyq qurylymdardyń emes, birinshi kezekte óz elektoratynyń múddelerin bildiretinin, bul olardyń halyq aldyndaǵy jeke jaýapkershiligin arttyrýǵa yqpal etetinin atap ótti.
Stýdent Úmit Serikovanyń pikirinshe, jastardyń saılaýǵa degen qyzyǵýshylyǵy tómen, jastar arasyndaǵy osyndaı taptaýryndardy joıý qajet. Al stýdent Marlen Qojahmetov daýys berýge qatyspaǵany úshin quqyqtyq jaýapkershilikti qarastyrýdy usyndy. QarMÝ stýdenti Jadyra Minajat bıyl 18 jasqa tolǵanyn jáne endi onyń daýys berýge quqyǵy bar ekenin aıtyp, kezdesý barysynda daýys berý tártibi, azamattardyń saılaý quqyqtary týraly paıdaly aqparat alǵanyn bildirdi.
Basqa óńirlerdegideı, elektrondy daýys berýdi engizý múmkindigi, artyqshylyqtary men qaýip-qaterlerin eskere otyryp, ony Qazaqstanda qoldaný tájirıbesi talqylandy.
Kezdesý barysynda saılaý prosesiniń ózekti taqyryptary boıynsha dástúrli onlaın-saýaldama júrgizildi. Al kezdesý qorytyndysy boıynsha Nurlan Ábdirov belsendi qatysýshylarǵa «Qazaqstandaǵy saılanbalylyq tarıhy» kitabyn tapsyrdy.
