Qazaqstan halqy Assambleıasy saılaıtyn Qazaqstan Respýblıkasy
Parlamenti Májilisiniń shyǵyp qalǵan depýtatynyń ornyna
2022 jylǵy 28 sáýirde bolǵan saılaýdyń qorytyndylary týraly
HABAR
2022 jylǵy 28 sáýirde Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń shyǵyp qalǵan depýtatynyń ornyna saılaý ótti.
2 kandıdat daýysqa tústi.
Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtatyn saılaý jónindegi daýystardy sanaýdyń nátıjeleri týraly Nur-Sultan qalasy saılaý komıssııasynyń hattamasy negizinde saılaýshylar tizimderine 527 saılaýshy engizildi, 425 adam nemese 80,65 paıyzy daýys berýge qatysty.
Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtatyn saılaýdyń mynadaı qorytyndylary anyqtaldy:
- Zakırjan Pırmýhamedovıch Kýzıevke 259 daýys nemese daýys berýge qatysqan saılaýshylar daýystarynyń 60,94 paıyzy berildi;
- Vıtalıı Iono Tvarıonasqa 128 daýys nemese daýys berýge qatysqan saılaýshylar daýystarynyń 30,12 paıyzy berildi.
«Bárine qarsymyn» belgisi bar bıýlletenderdiń sany 25 nemese daýys berýge qatysqan saılaýshylar daýystarynyń 5,88 paıyzy.
Qazaqstan halqy Assambleıasy saılaıtyn Qazaqstan Respýblıkasy Parlamenti Májilisiniń depýtaty bolyp 1969 jyly týǵan, «Ýnıversal» JShS Baqylaý keńesiniń tóraǵasy, Almaty qalasynda turatyn, uıǵyr Zakırjan Pırmýhamedovıch Kýzıev saılandy.
Qazaqstan Respýblıkasy
Ortalyq saılaý komıssııasy
