19 sáýirde Temirtaýdaǵy PB Shyǵys polısııa bólimine 36 jastaǵy qala turǵyny balalary saýyqtyrý uıymdarynyń birine barǵan kezde, olardyń sport jabdyqtaryn belgisiz bireý urlap ketkenin aıtqan. Shyǵyn somasy 50 myń teńgeni quraǵan.
«22 sáýirde jedel-izdestirý sharalary barysynda krımınaldyq polısııa qyzmetkerleri 31 jastaǵy er adamdy ustady. Ol balalardyń zattaryn urlaǵanyn tolyq moıyndady. Zattaı dáleldemeler alyndy», dedi PD baspasóz qyzmeti.
Sotqa deıingi tergeý barysynda tártip saqshylary kúdiktiniń osyǵan uqsas taǵy úsh qylmysqa qatysy baryn anyqtaǵan. Onyń barlyǵy osy saýyqtyrý ortalyǵynda jasalǵan. Mysaly, ury 6 sáýirde basseınde júzip júrgen bir oqýshynyń joqtyǵyn paıdalanyp, sheshiný bólmesindegi shkaftardyń birinen balanyń uıaly telefonyn urlap ketken. Qoldy bolǵan telefonnyń quny – 129 myń teńge. Uryǵa qatysty QR QK 188-baby boıynsha qylmystyq is qozǵaldy.
