Sáýir aıynda shetel valıýtasyna suranystyń aıtarlyqtaı tómendegeni baıqaldy. Qazaqstan qor bırjasyndaǵy saýda-sattyqtyń jalpy kólemi 1,9 mlrd AQSh dollary bolǵan kezde saýda-sattyqtyń ortasha kúndik kólemi 179 mln AQSh dollarynan 92 mln AQSh dollaryna deıin tómendedi.
Valıýta naryǵyna kvazımemlekettik sektor sýbektileriniń valıýtalyq túsimdi satýy qoldaý kórsetti, olar ishki valıýta naryǵynda shamamen 253,2 mln AQSh dollary boldy. Sáýir aıynda Ulttyq qordan respýblıkalyq bıýdjetke transfertterdi qamtamasyz etý úshin valıýta satý 168,3 mln AQSh dollaryn qurady. Ulttyq qordan satý úlesi saýda-sattyqtyń jalpy kóleminiń 8,7%-y boldy.
Ishki valıýta naryǵynda ahýaldyń turaqtanýy aıasynda Ulttyq Bank sáýirde valıýtalyq ıntervensııalardy, sondaı-aq BJZQ-nyń zeınetaqy aktıvteri men senimgerlik basqarýdaǵy basqa da qorlar úshin shetel valıýtasyn satyp alý nemese satý operasııalaryn júrgizgen joq.
Qysqa merzimdi perspektıvada teńgeniń qubylmalylyǵy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtardaǵy ahýalǵa baılanysty bolady.
Ulttyq Bank teńgerimsizdiktiń jınaqtalýyn boldyrmaıtyn jáne altyn-valıýta rezervteriniń saqtalýyn qamtamasyz etetin ıkemdi baǵam belgileý rejımin ustanýdy jalǵastyrady.
