Tıisti usynystardy Energetıka mınıstrligi QR Prezıdenti Qasym-Jomart Toqaevtyń JJM naryǵyn reformalaý jónindegi tapsyrmasyn oryndaý aıasynda ázirledi.
Baıandama jasaǵan energetıka mınıstri Bolat Aqsholaqov ishki naryqqa munaı jetkizý jáne munaı ónimderin ótkizý shemalaryn qaıta qaraýdy kózdeıtin zańnamalyq ózgerister engizýdi usyndy.
Túzetýler munaıdy tikeleı jer qoınaýyn paıdalanýshylardyń, olardyń enshiles marketıngtik qurylymdarynyń ózderiniń óńdeýge jetkizýin, sondaı-aq munaıdy MО́Z-diń satyp alýyn kózdeıdi. Munaı ónimderin ótkizý salasynda ónimsiz deldaldardy shettetý usynylady.
Aýyl sharýashylyǵy taýaryn óndirýshilerdi arzandatylǵan dızel otynymen qamtamasyz etý máselesi de qaraldy. Máselen, osyndaı otyn kóleminiń maqsatty bólinýin baqylaý úshin aýmaqtyq bóliniste AShTО́-niń derekter bazasyn qurý jáne otyn bólýdiń elektrondyq-aqparattyq júıesin engizý josparlanyp otyr.
Sonymen qatar energetıka mınıstri elden janar-jaǵar maı aǵynyn shekteý boıynsha usynylǵan sharalardy atap ótti. Atap aıtqanda, avtokólikpen JJM shyǵarýǵa salynǵan tyıymdy uzartý jáne ruqsatsyz shyǵarýǵa jaýapkershilikti kúsheıtý máselesi qarastyrylyp jatyr.
Keńesti qorytyndylaı kele, Úkimet basshysy usynylǵan tásilderdi maquldap, Energetıka mınıstrligine olardy barlyq múddeli taraptarmen birge pysyqtaýdy tapsyrdy.
