Qonaev qalasyna qosh keldińiz!

Osylaısha, Jetisý óńirinde tarıhı ózgeris bolyp, Qap­shaǵaı qalasynyń ataýy ózger­di. Endi shaǵyn shahar elimiz­diń birtýar azamaty, memleket jáne qo­ǵam qaı­ratkeri Dinmuhamed Qonaev­tyń qurmetine oraı atalmaq. Buǵan deıin Prezıdent halyqqa arna­ǵan Joldaýynda qazirgi Almaty oblysynyń ortalyǵyn Qapshaǵaı qalasy etip qaıta bólý týraly jáne qalanyń ataýyn D.Qonaevtyń aty­na aýystyrý jaıyna toq­tal­ǵan edi. Memleket basshysy Qasym-Jomart Toqaev Joldaýda «Almaty aglomerasııa­syna qa­tysty túıtkilder kóp. Osy jáne basqa da jaıttardy eskere oty­­ryp, Almaty oblysyn eki­ge bólý­di usynamyn. Bul óńir­de Jeti­sý jáne Alma­ty ob­lys­tary qu­ry­la­dy. Al­maty ob­ly­synyń or­ta­lyǵy Qap­shaǵaı­da bolýy kerek. Al Je­tisý obly­sy­nyń or­­ta­lyǵy Tal­dy­qor­ǵanda or­na­la­­sady» dep atap ótken bo­la­­tyn.

Son­daı-aq oblys­tyń jańa or­­ta­ly­ǵynyń ataýyna qa­tys­ty «Qap­shaǵaıǵa Dinmu­ha­med Qonaevtyń esimin berý usy­nysy­na qo­sy­lamyn» dedi. Mem­leket bas­shy­sy­nyń usynysy el ishin­de qyzý qoldaý tapty. Aldy­men má­sele Qapshaǵaı qala­lyq más­­lı­hatynyń turaqty komıs­sııasynyń otyrysynda qaralyp, qalany «Dinmuhamed Qonaev qalasy» dep qaıta ataý bastamasy kún tártibine qoıylǵan bolatyn. Odan keıin bul usynys oblys deńgeıinde qoldaý taýyp, odan ári respýblıkalyq onomastıka komıssııasynyń talqylaýyna jiberilgen edi.

Mine, endi Memleket basshy­synyń Jar­lyǵy da jarııa boldy. Prezıdent Jar­lyǵyn jeti­sýlyqtar ǵana emes, kúlli qazaq eli zor qýanyshpen qabyl aldy. Bul qazaq tarıhyndaǵy qaıtalanbas tulǵa – Dinmuhamed Qonaevqa degen halyq qurmetiniń kórinisi bolsa kerek.

– Dinmuhamed Ahmetuly Qonaev el basqarǵan ýaqyt ara­­lyǵynda Aqtaý, Arqalyq, Eki­bas­tuz, Qarataý, Rýdnyı, Kentaý, Jańa­ózen, Qapshaǵaı sekildi 43 qala, 68 jumysshy kenti boı kóter­di. Atyraýdan Altaıǵa, Qarataý­dan Torǵaı dala­syna deıin en jaılap jatqan eldiń áleýmettik tur­my­sy, mádenıeti men ekonomıkasy órleý ústinde boldy. Naq­ty sıfr­larǵa júginsek, 1955 jyl­dan 1985 jyl araly­ǵyn­da Qazaq­stan ónerkásip óndiri­siniń kóle­mi 8,9 ese, aýyl sharýa­shy­lyǵy 6,2 ese, qurylys 8 ese­ge jýyq ósti. Osyndaı kór­­set­kish­terdi saralaǵanda atalǵan mer­­zim­de elimiz ónerká­sibiniń ór­ken­deýi jaǵynan odaq­tas res­pýb­lı­kalardyń mań­daıal­dysy bolǵanyn eshkim de joqqa shy­ǵara almaıdy. Iаǵnı eldiń qazirgi yqylasy men atqa­rýshy bılik­tiń qurmeti – Qap­shaǵaı qalasyna Dinmuhamed Qonaevtyń esimin berý týraly Jarlyqty tarıhı ádi­letti sheshim deýge bolady. Uza­ǵy­nan súıindirsin, – deıdi Alma­ty ob­lysynyń qurmetti azamaty, «Qurmet» ordeniniń ıegeri Amanǵazy Shegirov.