Úsh kún ishindegi kórsetkish úreı týdyrady

Jol-kólik oqıǵalarynyń aldyn alý maqsatynda óńirde ótken «Qaýipsiz jol» is-sharasynda da bir­ta­laı zańbuzýshylyqtyń beti ashyldy. Jalpy al­ǵan­da, jol erejelerin buzý, jyldamdyqty arttyrý jáne qarsy qozǵalys jolaǵyna shyǵýdyń deregi kóp. Úsh kúnniń ishinde Jambyl oblysy aýmaǵynda jol qozǵalysy erejelerin buzýdyń 4 myńnan astam deregi anyqtalǵan. Onyń ishinde 5 adam kólik júrgizý quqyǵynan aıyrylsa, 11 júrgizýshi mas kú­ıinde ustalǵan. Sonymen qatar kólik quralyn bas­qa­rý kezinde telefondy paı­da­lanǵany úshin 187 adam ja­ýapkershilikke tar­tylǵan. Al 293 júrgizýshi kólikte qaýip­sizdik bel­dik­te­rin taq­pa­sa, 18 júrgizýshi jolda tó­tenshe jaǵdaı týdyrǵan. Munyń barlyǵy da qo­ǵam­da tilsiz jaýdan ke­letin qa­ýip­tiń kóbeıip tur­ǵa­nyn kórsetedi.

Búginde jol erejesin buzǵandarǵa polıseıler shara qoldanyp júr. Degenmen úsh kúnniń ishindegi ǵana derek osyndaı bolǵanda, jyl boıǵy kórsetkishterdi elestetýdiń ózi qıyn. Bir anyǵy, qazirgi kezde kólik máselesine qatysty osy sııaqty zańbuzýshylyqtar kóbeıip ketken. Sol sııaqty, tıisti qujattarsyz kólik quralyn basqarǵan 180 júrgizýshi anyqtalyp otyr. Al 304 jaıaý júrginshi belgilenbegen jerden ótkeni úshin ákimshilik jaýapkershilikke tartylǵan. Polısııa qyzmetkerleri tekserý júrgizgen osy úsh kúnniń ishinde 85 kólikti aıypturaqqa qoıyp, olardy paıdalanýǵa tyıym salǵan. Osy oraıda, oblystyq Polısııa departamenti jergilikti polısııa qyzmeti basqarmasynyń bastyǵy, polkovnık Rahymberdi Áshkeev jambyldyqtarǵa joldarda abaı bolýdy, jol qozǵalysy erejelerin qatań saqtaýy keregin aıtty.

Qazirgi kezde kúrejoldardy aıtpaǵanda, qala ishindegi qozǵalystyń ózi qıyn. Kúndelikti kóshede júrgen kez kelgen turǵyn zańbuzýshylyqtyń kýási bolyp jatady. Sondaı-aq búginde Taraz qalasynyń ishindegi baǵdarshamdar da kúrdeli máselege aınalǵan. Sál jel tursa jalp etip óship qalatyn jaryqtyń kesiri baǵdarshamdarǵa da tııýde. Odan keıin árıne, ánsheıinde asyǵys júretin keıbir kólik júrgizýshileri jol tárti­bin buza bastaıdy. Sol sekildi, kúrejoldardaǵy jáne qala ishindegi keıbir beınekameralardyń tozýy, isten shyǵýy da jol erejesiniń buzylýyna ákelip soǵyp otyr.

Jalpy, Jambyl oblystyq polısııa departamentiniń zerdeleýinshe, jol-kólik oqıǵalary jol qozǵalysy erejelerin jıi buzý saldarynan oryn alady eken. Endi qala syrtyndaǵy joldarda qalaaralyq tasymaldardy júzege asyratyn júk tehnıkalary men avtokólikterge de erekshe nazar aýdaryldy. Sebebi oblys «Batys Eýropa – Batys Qytaı» halyqaralyq kólik dáliziniń boıynda ornalasqandyqtan, aımaq arqyly elimizdiń ár óńirine jáne shet elderge qatynaıtyn aýyr júk kólikteriniń sany kóp. Bularǵa da bolashaqta bir baqylaý bolýy kerek-aq.