Konkýrsta jeńip shyqqan jobanyń biri – kúrish qaldyqtaryn óńdeý barysynda alynǵan bıotyńaıtqyshpen topyraqty qunarlandyryp, daqyl ónimdiligin arttyrýǵa baǵyttalǵan. Ony hımııa ǵylymdarynyń kandıdaty Nurlybek Ahataev bastaǵan ǵalymdar toby jasapty. О́simdikterdi qorǵaý quraldaryn, bıotyńaıtqyshtar ázirleý, topyraqtyń qunarlylyǵy men sıpattamalaryn jaqsartý salalaryn zerttep júrgen jas ǵalym 70-ten asa ǵylymı jumys avtory.
– Innovasııalyq joba arqyly kúrish qaldyqtaryn qaıta óńdeý kezinde alynǵan bıotyńaıtqyshty paıdalaný esebinen topyraq qunarlylyǵyn arttyryp, kókónis jáne baqsha ónimdiligin eseleýdiń joldaryn dáleldeımiz. Qarjylaı qoldaýǵa ıe bolǵan ıdeıany Qarmaqshy aýdany Turmaǵanbet aýylyndaǵy «Turmaǵanbet» JShS-de iske asyrý josparlanyp otyr, – deıdi N.Ahataev.
Joba nátıjesi aımaqtaǵy organıkalyq eginshilik tujyrymdamasynyń damýyna áser etpek. Jalpy ǵalymdar egin sharýashylyǵyn sý tapshylyǵy jáne klımattyń ózgeris jaǵdaıyna beıimdeý tehnologııasyna bet burýymyz kerektigin aıtady.
– Sý tapshylyǵynan kúrish alqaptaryn qysqartý týraly másele jıi kóterilip júr. Bizdiń jas ǵalymdar jasap otyrǵan jobanyń negizgi maqsaty topyraq qunaryn arttyrý arqyly egistik kólemin ulǵaıtpaı-aq kóp ónim alýdy kózdeıdi. Osy arqyly aýylsharýashylyq daqyldarynyń ónimdiligin ulǵaıtý bastamasy óndiriske engiziledi. Osyndaı ǵylymı-zertteý jumystary arqyly tyń ádisterdi iske asyrýymyz kerek, – deıdi tehnıka ǵylymdarynyń doktory, agrobıologııalyq ortalyqtyń bas ǵylymı qyzmetkeri Serikbaı О́mirzaqov.
Bul jobalar boıynsha jumystar osy jyldyń sońyna deıin júrgizilmek. Bıyl granttyq qarjylandyrý konkýrsyna ýnıversıtetten 17 joba usynylypty. Qazir irikteýden ótken 6 jas ǵalymnyń jobasy Ulttyq ǵylymı keńestiń qaraýynda jatyr.
Qyzylorda oblysy
