Úmitti aqtaǵan úsh jyl

Mysaly, osy ýaqyt araly­ǵynda kásiporyn atynan jalpy quny 1 083 240 425,48 teńge bolatyn kelisimsharttar jasalypty. Onyń ishinde jergilikti atqarý organdarymen 407 949 852,97 teńgeniń, respýblıkalyq bıýdjetpen 353 753 548,51 teńgeniń jáne dıagnostıka boıynsha

136 537 624 teńgeniń kelisimine  qol qoıyl­ǵanyn atap aıtýǵa bolady.

Qaraǵandy oblysy boıynsha úsh jyldyń ishinde 398 nysanǵa 2 232 ret tekserispen shyǵý oryn alypty. Iаǵnı, jol qurylys materıaldarynan 5 myń synama alynǵan. Onyń ishinde

1 255 synamanyń talapqa sáıkes kelmegenin aıta ketken jón bolady.

«Jol aktıvteriniń Ulttyq sapa ortalyǵy» RMK Qaraǵandy oblystyq fılıalynyń dırektory Aıbol Bıdaıbekov óńir boıynsha 1 947 shaqyrymǵa sozylǵan avtomobıl joldaryna dıagnostıka jáne pas­porttaý júrgizilgenin aıtady. Atap aıtqanda, onyń 1 876 sha­qyrymy – respýblıkalyq, al 71 myń shaqyrymy oblystyq je­liler boıynsha jasalǵan. Bul –  bile bilgen adamǵa óte aýqymdy jáne kúrdeli jumys.

Atalǵan kásiporyn jol sapasyn jaqsartýdy qamtamasyz etetin zamanaýı qural-jabdyqqa basa mán beredi. Mysaly, úsh jyldyń ishinde jol belgilerine paıdalanatyn plenkalardyń jaryqty qaıtarý kórsetkishin anyqtaıtyn RetroSign GRX retroreflektometry, joldaǵy belgi-jolaqtardy tekseretin LTL-XL retroflektrometry, nor­matıvtik kór­setkishterdi baqy­­laıtyn qu­ryl­ǵylar, asfalt­beton jabynyn tekserýge arnalǵan jańa jab­dyqtar satyp alynǵan.

Bul qural-jabdyqtar men apparattardyń óte qymbat tura­tynyn aıta ketken jón. Biraq «Jol aktıvteriniń Ult­tyq sapa ortalyǵy» mekemesi joldyń sapasy týraly áńgime bolǵan jerde, qarajattan tarylǵan emes. Munyń ózi zamanaýı qu­ryl­­ǵylardyń kómegimen kúre jol­dardyń sapasy men ondaǵy qaýipsizdikti arttyrý isine ıgi yqpalyn tıgizetini sózsiz.

Qazirgi tańda bul saladaǵy jumystyń sapasyn arttyrý ba­ǵy­tynda kásibı mamandarǵa degen suranys ósip otyr. Jalpy, jol qurylysyna jastar tarapynan qyzyǵýshylyqtyń artyp kele jatqany qýantady. Osy oraıda «Jol aktıvteriniń Ulttyq sapa ortalyǵy» RMK Qaraǵandy oblystyq fılıaly kadr tárbıeleý isine de basa mán beredi. Fılıal basshysy Aıbol Bıdaıbekovtiń aıtýynsha, úsh jyl ishinde 8 stýdent óndiristik tájirıbeden ótken eken.

Budan bólek, mekeme únemi kásiptik baǵdar berip, «1000 mektep» baǵdarlamasy aıasynda jol salasyna jas mamandardy tartýmen aınalysyp keledi. Qaraǵandy oblysy boıyn­sha orta mekteptermen jan-jaq­ty jumys júrgizilip, sońǵy úsh jylda 92 bilim oshaǵymen árip­testik qarym-qatynas orna­tylǵan.

Sonymen qatar «Jol aktıv­teriniń Ulttyq sapa ortalyǵy» fılıalynyń kúshimen «1000 mektep» baǵdarlamasy boıynsha úsh jyldyń ishinde 200-ge tarta mektepte kásibı baǵyt-baǵdar berý úshin 9, 10, 11-synyp oqýshylarymen kezdesýler uıymdastyrylypty. Munyń bári jastardy jol qurylysy mamandyǵyna oqytý, odan keıin jumysqa tartý syndy mańyzdy maqsatty alǵa qoıǵan.