Qalalyq arhıv mekemesi zamanaýı tehnıkalyq qural-jabdyqtardyń kómegimen boıaýy óshken málimetterdiń mańyzyn kilkip júr. Bul ıgilikti iske jumys sapary aıasynda Májilis depýtattary Nurlybek Ojaev, Názılá Razzaq, Gúldara Nýrýmova jáne senator Edil Mamytbekov kýá boldy.
Elorda arhıviniń dırektory Meıram Bektembaev jáne Nur-Sultan qalasy Tilderdi damytý jáne arhıv isi basqarmasynyń basshysy Sáken Esirkep arhıv jumysymen tanystyrdy. Halyq qalaýlylary restavrasııalaý zerthanasynyń qyzmetin, zamanaýı avtomattandyrylǵan júıesi bar arhıv qoımasyn, RFID (radıometkalar), DО́O (derekterdi óńdeý ortalyǵy) jáne sıfrly arhıv qurý prosesterin tamashalady.
«Bul mekeme Qazaqstannyń arhıv qyzmetiniń kóshbasshylarynyń biri retinde, arhıvtaný ǵylymyn damytýda jáne memlekettik baǵdarlamalardy júzege asyrýda jetekshi ról atqarýda. 1920-1930 jyldardaǵy qujattardy qaıta jańǵyrtyp jatyrmyz. Qujattardaǵy aqparattardyń joıylyp ketpeýi úshin bar kúsh-jigerimizdi salýdamyz. Restavrasııalaýǵa arnalǵan sońǵy úlgidegi apparattar osynda ornalasqan. Ult múddesi úshin qajymaı eńbek etip kele jatyrmyz», dedi qalalyq arhıv dırektory Meıram Bektembaev.
Depýtattar qalalyq arhıv qyzmetin joǵary baǵalap, mekeme qyzmetkerlerine alǵystaryn bildirdi.
