Is-shara dıplomnan keıingi bilim berýdiń halyqaralyq ǵylymı-zertteý ınstıtýtymen, Almaty qalasynyń medısınalyq mekemelerimen, sondaı-aq Qazaqstan-Reseı medısınalyq ýnıversıtetimen birlesip uıymdastyryldy.
Konferensııanyń maqsaty – densaýlyq saqtaý mekemeleri arasyndaǵy ózara qarym-qatynasty uıymdastyrý jáne zamanaýı medısınalyq tehnologııalardy qoldanýda tájirıbe almasý.
Azamattyq jáne áskerı densaýlyq saqtaý salasyndaǵy jetekshi mamandar COVID-19-dy, onkologııalyq aýrýlardy, oq tıip jaralanǵan naýqastardy emdeý, beıbit jáne soǵys ýaqytynda tótenshe jaǵdaılar kezinde zardap shekkenderge hırýrgııalyq kómek kórsetý jóninde tájirıbe almasty.
«Áskerı dárigerler sırek aýrýlary bar naýqastardy ońaltýdy derbestendirýge, ár pasıent úshin asa qolaıly dári-dármekterdi jáne olardyń mólsherin jeke tańdaýǵa, asqynýlardyń aldyn alýda tıisti áserge qol jetkizýge múmkindik beretin fýnksıonaldy qan analıziniń ádistemesin jasady. Áriptesterimiz daıyndaǵan ázirleme jóninde pikir almastyq», dedi gospıtal bastyǵynyń orynbasary medısına qyzmetiniń podpolkovnıgi Abdývalı Paltýshev.
Áskerı klınıkalyq gospıtal dárigerleriniń áriptesterimen tájirıbe almasýy turaqty túrde júrgiziletinin atap ótken jón.
