Tólemdi óndirý úshin sala mamandary birlesken reıd ótkizdi. Ázirge eskertý jasalady. Eger elemeı jatsa, turǵyndar qylmystyq jaýapkershilikke tartylýy múmkin. Aýdanda 25 myńǵa jýyq avtokólik tirkelgen. Osy ýaqytqa deıin 93 mln teńgedeı qarajat óndirildi. Mańǵystaý oblysynda byltyrdan beri 62 myńnan astam kólik júrgizýshi salyq tólemegender qataryna engizildi. Olardyń qaryzy 1 mlrd 700 mln teńgege jetti.
– Jeke tulǵalarǵa salyqtyq bereshegi týraly habarlama taratylyp jatyr. Elektrondy qoltańbasy bolsa elektrondy túrde barady, ondaı joq bolsa, ár aýyldyń ákimshiligi qaǵaz júzinde taratyp jatyr, eskertiledi. 30 jumys kúnnen keıin salyq buıryǵy shyǵady. Salyqtyq buıryq shyqqannan keıin jeke sot oryndaýshyǵa joldanady, - dedi Munaıly aýdandyq memlekettik kirister basqarmasynyń bas mamany Jaqsylyq Amanǵalıev.
