Almaty qalalyq tótenshe jaǵdaılar departamentine búgin keshki saǵat 20:20 shamasynda Jetisý aýdanyna qarasty Angarskaıa kóshesi 97 A mekenjaıyndaǵy órt týraly habarlama túsken.
«Tótenshe jaǵdaılar departamentiniń kúshteri men quraldary joǵary rangi boıynsha órt sóndirý jumystaryna jumyldyryldy. Jetisý aýdanynda janar-jaǵarmaı quıylǵan avtosısterna otqa orandy. О́rttiń jaqyn ornalasqan vagon tıpti sısternalarǵa, rezervýarǵa taralý qaýipi bar», dep habarlady vedomstvadan.
Oqıǵa ornynda jeke quram qaýipsizdik sharalaryn saqtaı otyryp jumys istep jatyr. Jedel shtab qurylyp, kórshi rezervýarlardy salqyndatýǵa órt oqpandary berildi. О́rtti sóndirýge 28 tehnıka men jeke quramnyń 80 adamy jumyldyryldy.
