2022 jyly elimizde Ata Zańǵa ózgerister engizý boıynsha referendým ótkizilmek. Barlyǵy 33 bapqa, ıaǵnı Ata Zańnyń úshten birine ózgeris engizý kózdelip otyr. Referendým arqyly «Kúshti Prezıdent – yqpaldy Parlament – esep beretin Úkimet» formýlasynan turatyn memlekettik basqarýdyń modelin qalyptastyrý halyqtyń talqysyna usynylmaq.
Jańa ózgerister boıynsha Úkimettiń Parlament aldyndaǵy jaýapkershiligi artady. Zań shyǵarýshy organ Májilis bolmaq. Aýdandyq, qalalyq máslıhattar tolyǵymen majorıtarlyq, oblystyq maslıhattar aralas júıe boıynsha saılanbaq. Bul óz kezeginde máslıhattar róliniń kúsheıýine alyp keledi.
Endi saıası partııa quramyn deıtin azamattar úshin 5 myń azamattyń qolyn jınaý jetkilikti. Partııalardyń Parlamentke ótý shegi 7-den 5 paıyzǵa deıin túsirildi. Oblys, qala, aýdan ákimderi men olardyń orynbasarlary saıası partııa fılıaldarynyń tóraǵasy bolmaıdy. Bul ózgerister barlyq partııalarǵa teń múmkindikter beredi.
Osy sekildi elimizdiń bolashaq damý barysyn aıqyndaıtyn Ata Zańnyń 33 babyna ózgerister engiziledi. Árbir azamatqa tikeleı qatysy bar mundaı memlekettik mańyzdy isterdi referendým arqyly halyqtyń pikirimen sanasa otyryp júrgizý oń bastama dep sanaımyn.
Baýyrjan SERIKBAEV,
saıasattanýshy
